കൊട്ടാരക്കര – കഥകളിയുടെ നാട്ടിലെ കൊട്ടാരങ്ങളുടെ നാട്ടിലെ സരസ്വതി ക്ഷേത്രമായ സെൻ്റ് ഗ്രീഗോറിയോസ് കോളേജിലെ ജന്തുശാസ്ത്ര വിഭാഗത്തിലെ പൂർവ്വ വിദ്യാർത്ഥികൾ ജൂലൈ 28-ന് രാവിലെ 10 മണിക്ക് കോളേജ് അങ്കണത്തിൽ ഒത്തു ചേരുന്നു. 1982 ലെ പ്രഥമ ബാച്ച് മുതൽ 2018 ൽ കലാലയത്തിൻ്റെ പടിയിറങ്ങുന്ന ബാച്ചിലെ വരെ ഉൾപ്പെടുത്തി വിപുലവും വർണ്ണ ശമ്പളമായ ഒത്തുചേരലിനുള്ള ഒരുക്കങ്ങൾ പൂർത്തിയായതായി പ്രിൻസിപ്പാൾ ഡോ. സൂമൻ അലക്സാണ്ടർ ജന്തുശാസ്ത്ര വിഭാഗം മേധാവി ഡോ. റാണി. എസ്.ധരൻ എന്നിവർ അറിയിച്ചു.
ഗ്രിസാലി എന്നു നാമകരണം ചെയ്ത ഈ കൂട്ടായ്മ സാമൂഹിക പ്രവർത്തനങ്ങൾക്ക് ഊന്നൽ നൽകിയുള്ള കർമ്മ പദ്ധതികൾക്ക് രൂപം നൽകിയിട്ടുണ്ട്. സാമ്പത്തികമായി പിന്നോക്കം നിൽക്കുന്ന കുട്ടികൾക്ക് പഠന ഉപകരണങ്ങളും, വസ്ത്രങ്ങളും വിതരണം ചെയ്യുക. സ്കോളർഷിപ്പ് നൽകുക. പഠനേതര വിഷയങ്ങളിൽ പ്രാവീണ്യമുള്ളവരെ കണ്ടെത്തി അവരുടെ അഭിരുചിയ്ക്ക് അനുസരിച്ച് പ്രോത്സാഹനം നൽകുക, വ്യക്തിത്വ വികസന സെമിനാറുകൾ സംഘടിപ്പിക്കുക, പ്ലാസ്റ്റിക്ക് നിർമാജ്ജന പദ്ധതി, ബ്ലഡ് ഡൊണേഷൻ ക്ലബ്ബുകൾ, ജന്തുശാസ്ത്ര പുസ്തകങ്ങളുടെ ലൈബ്രറി, ജന്തുശാസ്ത്ര പ്രദർശനം എന്നിവ സംഘടിപ്പിക്കുക എന്നിവയാണ് ലക്ഷ്യം. സമൂഹത്തിലെ നാനാതലത്തിലുള്ള വ്യക്തികൾ ഒരേ വേദിയിൽ സംഗമിക്കും. വിദ്യയുടെ പ്രകാരം പകർന്നുതന്ന പൂർവ്വകാല ഗുരുക്കൻമാരെ ആദരിക്കുന്ന ഗുരുവന്ദനവും ഗതകാല സ്മരണകൾ ഉണർത്തുന്ന സംഭവങ്ങൾ കോർത്തിണക്കിയ ‘വീഡിയോ വിഷനും’ ഈ സംഗമത്തിന് മാറ്റ് കൂട്ടും. ഔപചാരികതകളുടെ അകമ്പടി ഇല്ലാതെ തികച്ചും സൌഹാർദ്ദപരമായ കഴിഞ്ഞുപോയ കാമ്പസ് ദിനങ്ങളുടെ സ്മരണകളെ ഉണർത്തുന്നതായിരിക്കും ഈ സംഗമം എന്ന് ഇതിൻ്റെ സംഘാടകരായ ഡോ.റാണി. എസ്സ്. ധരൻ, ഡോ. ജീൻ ജോസ്, പ്രൊഫ. ലിൻസി അലക്സ്, ഡോ. എം.കെ.പി. റോയി, സാംസൺ പാളക്കോണം, മെനു ജോൺ, അനന്തു കൃഷ്ണൻ, ഗണേഷ് എസ്, സിബിന ലത്തീഫ് എന്നിവർ അറിയിച്ചു.