കൊട്ടാരക്കര: കേരള റീട്ടയേർഡ് ടീച്ചേഴ്സ് കോൺഗ്രസിൻ്റെ 16-ാം മത് സംസ്ഥാന സമ്മേളനം 27,28 തിയതികളിൽ കൊട്ടാരക്കരയിൽ വച്ച് നടക്കും. കൊട്ടാരക്കര കോൺഗ്രസ്സ് ഭവൻ, നിസാ ആഡിറ്റോറിയം എന്നിവിടങ്ങളിൽ വെച്ചാണ് രണ്ട് ദിവസത്തെ സമ്മേളന പരിപാടികൾ നടക്കുക. സംസ്ഥാന സമ്മേളനത്തോട് അനുബന്ധിച്ച് കാവ്യസദസ്സ്, സെമിനാർ,സംസ്ഥാന കൌൺസിൽ യോഗം, ഉദ്ഘാടന സമ്മേളനം, പ്രതിനിധി സമ്മേളനം, സൌഹൃദ സമ്മേളനം, പുതിയ ഭരണസമിതി തിരെഞ്ഞെടുപ്പ് എന്നിവ നടക്കും. 27 ന് 4 ന് കൊട്ടാരക്കര കോൺഗ്രസ് ഭവനിൽ നടക്കുന്ന വാർഷിക സമ്മേളനം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്യും.
28 ന് കൊട്ടാരക്കര നിസ ആഡിറ്റോറിയത്തിൽ വച്ച് 10 ന് നടക്കുന്ന ഉദ്ഘാടന സമ്മേളനം കൊടിക്കുന്നിൽ സുരേഷ് എം.പി ഉദ്ഘാടനം ചെയ്യും. തുടർന്ന് 11.30 ന് നടക്കുന്ന പ്രതിനിധി സമ്മേളനം മുൻ കെ.പി.സി.സി പ്രസിഡൻ്റ് സി. വി പത്മരാജൻ ഉദ്ഘാടനം ചെയ്യും. ഉച്ചയ്ക്ക് ശേഷം നടക്കുന്ന സൗഹൃദ സമ്മേളനം എൻ. പീതാംബരക്കുറുപ്പ് എം.പി ഉദ്ഘാടനം ചെയ്യും.