ആസ്‌ട്രേലിയ: ആസ്‌ട്രേലിയൻ പെന്തക്കോസ്ത് പ്രവാസി മലയാളികളുടെ ഐക്യതയെ ലക്ഷ്യമാക്കി പ്രവർത്തിക്കുന്ന ആസ്‌ട്രേലിയൻ യുണൈറ്റഡ് പെന്തക്കോസ്ത് ചർച്ചുകളുടെ 6-ാം മത് നാഷണൽ കോൺഫ്രൻസ് ജൂലൈ 13, 14 തീയതികളിൽ പെർത്തിൽ നത്തപ്പെടുന്നു. ആസ്‌ട്രേലിയയുടെ വിവിധ സംസ്ഥാനങ്ങളിൽ നിന്നുള്ള സഭാ നേതാക്കൻമാരും, പാസ്റ്റർമാരും, വിശ്വാസികളും കോൺഫ്രൻസിൽ പങ്കെടുക്കും. പ്രസിദ്ധ സുവിശേഷകൻ പാസ്റ്റർ റെജി ശാസ്താംകോട്ട മുഖ്യപ്രഭാഷകനായിരിക്കുന്ന ഈ മീറ്റിംഗിൽ പ്രസിദ്ധ സുവിശേഷ ഗായിക പെർസിസ് ജോൺ സംഗീത ശുശ്രൂഷയ്ക്ക് നേതൃത്വം നൽകുന്നു. എ.യു.പി. സി നാഷണൽ പ്രസിഡൻ്റ് പാസ്റ്റർ സാജൻ കുരുവിള(ക്യൂൻസ് ലാൻഡ്) , എ.യു.പി. സി വെസ്റ്റേൺ ആസ്‌ട്രേലിയ സ്റ്റേറ്റ് പ്രസിഡൻ്റ് മാത്യു തരിയൻ, സ്റ്റേറ്റ് സെക്രട്ടറി പാസ്റ്റർ റോഷൻ സാമുവൽ തുടങ്ങിയ ദൈവ ദാസൻമാർ ശുശ്രൂഷകൾക്ക് നേതൃത്വം നൽകുന്നു. തൽസമയ സംപ്രേഷണം aupc.net.au എന്ന വെബ്സൈറ്റിൽ ലഭ്യമാണ്.
