കൊട്ടാരക്കര: കൊട്ടാരക്കര എക്സൈസ് സര്‍ക്കിൾ ഇന്‍സ്പെക്ടറുടെ നേതൃത്വത്തില്‍ നെടുവത്തൂര്‍, ആനക്കോട്ടൂര്‍, പുത്തൂര്‍ മേഖലകളില്‍ നടത്തിയ റെയ്ഡില്‍ ഒന്നര ലക്ഷം രൂപ വില മതിക്കുന്ന പാന്‍ മസാല ശേഖരം കണ്ടെത്തി. രഹസ്യ വിവരം കിട്ടിയതിൻ്റെ അടിസ്ഥാനത്തിലായിരുന്നു റെയ്ഡ് നടത്തിയത്. അന്യ സംസ്ഥാനങ്ങളില്‍ നിന്നും കുറഞ്ഞ വിലയ്ക്ക് വാങ്ങി വന്‍ വിലയിലാണ് ഇത് വിറ്റഴിച്ച് കൊണ്ടിരുന്നത്. സമീപകാലത്ത് കണ്ടെത്തിയതില്‍ ആദ്യമായിട്ടാണ് ഒന്നര ലക്ഷം രൂപ വിലമതിക്കുന്ന നിരോധിത പുകയില ഉല്‍പ്പന്നങ്ങൾ കണ്ടുപിടിക്കുന്നത്. പുത്തൂരില്‍ താല്‍ക്കാലിക ഷോപ്പില്‍ വന്‍ വിലയ്ക്കാണ് ഇത് വിറ്റഴിച്ചു കൊണ്ടിരുന്നത്. ഒരു പായ്ക്കറ്റിന് 50 രൂപ മുതല്‍ 75 രൂപ വരെയാണ് ഇതിൻ്റെ വില. ഒരു ദിവസം 1000 ത്തോളം പായ്ക്കറ്റുകൾ വിറ്റഴിയുമെന്നാണ് മുഹമ്മദ് എക്സൈസ്കാരോട് പറഞ്ഞിരിക്കുന്നത്. ഇയാൾ ഇത്തരത്തിലുള്ള നിരവധി കേസുകളില്‍ പ്രതിയാണ്.
റെയിഡില്‍ എക്സൈസ് സര്‍ക്കിൾ ഇന്‍സ്പെക്ടര്‍ ആര്‍. ബാബു, എക്സൈസ് ഇന്‍സ്പെക്ടര്‍ പി. മോഹനന്‍, പ്രിവൻ്റിവ് ഓഫീസര്‍മാരായ ബി.ബാബുസേനന്‍, എസ്.പ്രേം നസ്സീര്‍, സിവില്‍ എക്സൈസ് ഓഫീസര്‍മാരായ ബാബു ബി.എസ്സ്, സജി ജോൺ, അനീഷ് റ്റി. എസ്, സുജിത്ത്, ഡ്രൈവര്‍ ബാബുരാജ് എന്നിവര്‍ അടങ്ങിയ സംഘമാണ് പ്രതിയെ പിടികൂടിയത്.