കണ്ണൂര്: വാഹനാപകടത്തില് മൂന്ന് മരണം. ചാല ബൈപാസില് പുലര്ച്ചെ ഏഴുമണിയോടെയാണ് അപകടം ഉണ്ടായത്. തലശ്ശേരി ഭാഗത്തു നിന്നും വരികയായിരുന്ന ടിപ്പര് ലോറിക്കു പിറകില് ഒമ്നി വാന് ഇടിക്കുകയായിരുന്നു.
ഒമ്നി വാനിലുണ്ടായിരുന്ന തമിഴ്നാട് തെങ്കാശി സ്വദേശികളായ രാമര്(35), ചെല്ല ദുരൈ(45), കുത്താലിംഗം(70) എന്നിവരാണ് മരിച്ചത്. സംഭവസ്ഥലത്തു തന്നെ മൂന്നു പേരും മരിച്ചു. മൃതദേഹം കണ്ണൂര് ജില്ലാ ആശുപത്രിയില് സൂക്ഷിച്ചിരിക്കുകയാണ്.