ന്യൂഡല്‍ഹി: ഭാര്യയെ രക്ഷിക്കാന്‍ ശ്രമിക്കുന്നതിനിടെ യുവാവ് കുത്തേറ്റ് മരിച്ചു. പോക്കറ്റിടക്കാരെ പിന്തുടര്‍ന്ന് പിടികൂടിയപ്പോള്‍ ഭാര്യയെ അക്രമികള്‍ നിന്ന് രക്ഷിക്കാന്‍ ശ്രമിക്കുന്നതിനിടെ അമര്‍ജീത് 25 എന്നയാളാണ് കുത്തേറ്റു മരിച്ചത്. ഞായറാഴ്ച വൈകുന്നേരമാണ് സംഭവം.
അമര്‍ജീത്, ഭാര്യ മഞ്ജു, ഇവരുടെ നാലു വയുസുകാരനായ മകന്‍, സഹോദരന്‍ എന്നിവര്‍ ഡല്‍ഹി മൃഗശാല സന്ദര്‍ശിച്ച്‌ തിരിച്ചുവരുന്നതിനിടെയാണ് സംഭവം. നെഞ്ചില്‍ ആഴത്തില്‍ മുറിവേറ്റതിനാല്‍ ആശുപത്രിയിലെത്തിച്ചപ്പോഴേക്കും അമര്‍ജീത് മരിക്കുകയായിരുന്നു. അക്രമികളില്‍ മൂന്ന് പേരെ അറസ്റ്റ് ചെയ്തിട്ടുണ്ടെന്ന് ഡല്‍ഹി ഡെപ്യൂട്ടി കമ്മീഷണര്‍ മധൂര്‍ വര്‍മ പറഞ്ഞു. സൂരജ് (20), സുമിത് (25), അജിത് (24) എന്നിവരാണ് അറസ്റ്റിലായത്.