തിരുവനന്തപുരം: തൃശൂരിലെ പാര്‍ട്ടി സമ്മേളന വേദിയില്‍ നിന്ന് തിരുവനന്തപുരത്തേയ്ക്കും തിരിച്ച് പാര്‍ട്ടി സമ്മേളന വേദിയിലേക്കുമുള്ള ഹെലികോപ്റ്റര്‍ യാത്രയ്ക്ക് ചിലവായ എട്ടു ലക്ഷം രൂപ ദുരന്തനിവാരണ ഫണ്ടില്‍ നിന്നും നല്‍കാന്‍ നിര്‍ദേശിച്ച് അഡീഷണല്‍ ചീഫ് സെക്രട്ടറി ഉത്തരവിറക്കി. സംഭവം വിവാദമായതോടെ ഉത്തരവ് പിന്‍വലിക്കാന്‍ മുഖ്യമന്ത്രിയുടെ ഓഫീസ് നിര്‍ദേശം നല്‍കി. ഡിജിപിയാണ് ഹെലികോപ്റ്റര്‍ സൗകര്യം ഒരുക്കിയതെന്ന് ഉത്തരവില്‍ പരാമര്‍ശമുണ്ടായിരുന്നു.
എന്നാൽ ഈ സംഭവത്തില്‍ പോലീസിന് പങ്കില്ലെന്ന് ഡിജിപി ലോക്‌നാഥ് ബെഹ്‌റ പറഞ്ഞു. സുരക്ഷാ സംവിധാനമൊരുക്കുക മാത്രമാണ് ചെയ്തത്. മറ്റ് കാര്യങ്ങളെ കുറിച്ച് പ്രതികരിക്കാനില്ലെന്നും ബെഹ്‌റ പറഞ്ഞു.