അരിയിൽ ഷുക്കൂർ വധക്കേസിൽ എറണാകുളം സിബിഐ കോടതി വിധി നവംബർ 19ന്.
പ്രതികൾ
സിപിഎം സംസ്ഥാന സെക്രട്ടേറിയറ്റ് അംഗം പി. ജയരാജൻ, സംസ്ഥാന കമ്മിറ്റി അംഗം ടി.വി. രാജേഷ് ഉൾപ്പെടെ 33 പേരെയാണ് കേസിൽ സിബിഐ പ്രതി ചേർത്തത്. 33 പ്രതികളിൽ രണ്ടുപേർ മരിച്ചതോടെ 31 പേരാണ് വിചാരണ നേരിട്ടത്. 2012 ഫെബ്രുവരി 20നാണ് കണ്ണൂർ കീഴറയിലെ വള്ളുവൻകടവിൽ എം.എസ്.എഫ് നേതാവ് അരിയിൽ അബ്ദുൽ ഷുക്കൂർ കൊല്ലപ്പെട്ടത്. പി. ജയരാജൻ സഞ്ചരിച്ച വാഹനവ്യൂഹത്തിന് നേരെയുണ്ടായ ആക്രമണത്തിന് പിന്നാലെ ആശുപത്രിയിലെ 315-ാം നമ്പർ മുറിയിൽ വെച്ച് കൊലപാതകത്തിന് ഗൂഢാലോചന നടത്തിയെന്നാണ് സിബിഐ കുറ്റപത്രം.
