കോഴിക്കോട്, കണ്ണൂര്, കാസര്കോട് ജില്ലകളില് ഇന്ന് അതിതീവ്ര മഴക്ക് സാധ്യത. മൂന്നു ജില്ലകളിലും റെഡ് അലര്ട്ട് പ്രഖ്യാപിച്ചു. മൂന്ന് ജില്ലകളിലേയും പ്രഫഷണല് കോളജുകള് ഉള്പ്പെടെ എല്ലാ വിദ്യാഭ്യാസസ്ഥാപനങ്ങള്ക്കും ഇന്ന് അവധി പ്രഖ്യാപിച്ചു. അതീവ ജാഗ്രത പുലര്ത്തണമെന്ന് കാലാവസ്ഥാ വകുപ്പ് നിര്ദേശിച്ചിട്ടുണ്ട്.
മലപ്പുറത്തും വയനാട്ടിലും ഒാറഞ്ച് അലര്ട്ടും പത്തനംതിട്ട, കോട്ടയം ഇടുക്കി, എറണാകുളം തൃശൂര്, പാലക്കാട് ജില്ലകളില് യെലോ അലര്ട്ടും നല്കി. കേരളതീരത്ത് നിന്ന് മത്സ്യബന്ധനത്തിന് പോകരുതെന്ന മുന്നറിയിപ്പും ഉണ്ട്. മണിക്കൂറില് 50 കിലോ മീറ്റര് വരെ വേഗതയുള്ള കാറ്റിന് സാധ്യതയുണ്ട്. കടല് പ്രക്ഷുബ്ധമാണ്. നാളെ മുതല് മഴയുടെ തീവ്രത കുറയാനിടയുണ്ടെന്നും കാലാവസ്ഥാ വകുപ്പ് പറയുന്നു.