തിരുവനന്തപുരം| കേരളത്തിന്റെ മുഖ്യമന്ത്രിയെ കോണ്ഗ്രസ് ഹൈക്കമാന്ഡ് ഇന്നു പ്രഖ്യാപിക്കും. ഇന്ന് തിരുവനന്തപുരത്ത് കോണ്ഗ്രസിന്റെ അടിയന്തര നിയമസഭാകക്ഷിയോഗം വിളിച്ചിട്ടുണ്ട്. ആ യോഗത്തില് എഐസിസി പ്രസിഡന്റ് മല്ലികാര്ജുന് ഖാര്ഗെയുടെ തീരുമാനം മുദ്ര വെച്ച കവറില് എഐസിസി ജനറല് സെക്രട്ടറി ദീപാദാസ് മുന്ഷി എത്തിക്കും. ഒമ്പതുദിവസം നീണ്ട സുദീര്ഘമായ ചര്ച്ചകള്ക്കൊടുവിലാണ് കേരളത്തിന്റെ പുതിയ മുഖ്യമന്ത്രിയെ സംബന്ധിച്ച് ഹൈക്കമാന്ഡ് ഒടുവില് തീരുമാനത്തിലെത്തിച്ചേര്ന്നത്. മുഖ്യമന്ത്രി സ്ഥാനത്തിനായി രംഗത്തുണ്ടായിരുന്ന വിഡി സതീശന്, കെ സി വേണുഗോപാല്, രമേശ് ചെന്നിത്തല എന്നിവരില് ഒറ്റപ്പേരിലേക്ക് ഹൈക്കമാന്ഡ് എത്തിച്ചേര്ന്നിരിക്കുകയാണ്.
