തിരുവനന്തപുരം: തെക്ക് കിഴക്കന് അറബിക്കടലില് രൂപം കൊണ്ട ശക്തി കൂടിയ ന്യൂനമര്ദ്ദം അടുത്ത 24 മണിക്കൂറിനുള്ളില് തീവ്ര ന്യൂന മര്ദ്ദമായി ശക്തി പ്രാപിക്കാന് സാധ്യതയുള്ളതിനാല് കേരളത്തില് അതി ശക്തമായ മഴയുണ്ടായേക്കുമെന്ന് കാലാവസ്ഥ വകുപ്പിന്റെ മുന്നറിയിപ്പ്.
കേരള തീരത്തിന് സമീപം അറബിക്കടലില് ചക്രവാത ചുഴിയും രൂപപ്പെട്ടിട്ടുണ്ട്. ആന്ഡമാന് കടലിനും തെക്ക് കിഴക്കന് ബംഗാള് ഉള്ക്കടലിനും മുകളിലായി സ്ഥിതി ചെയ്യുന്ന ചക്രവാതചുഴി അടുത്ത 24 മണിക്കൂറിനുള്ളില് തെക്ക് കിഴക്കന് ബംഗാള് ഉള്ക്കടലില് ന്യുന മര്ദ്ദമായി ശക്തി പ്രാപിക്കും.