ചെങ്ങന്നൂര് ഭാസ്കര കാരണവര് വധക്കേസിലെ പ്രധാന പ്രതി ഷെറിന് ജയില് മോചിതയായി. വൈകിട്ട് നാലോടെ കണ്ണൂര് സെന്ട്രല് ജയിലില് നിന്ന് ഷെറിന് പുറത്തിറങ്ങി.
ഷെറിന് ഉള്പ്പെടെ 11 പേര്ക്ക് ശിക്ഷായിളവ് നല്കി ജയിലില് നിന്ന് വിട്ടയക്കണമെന്ന മന്ത്രിസഭാ യോഗത്തിന്റെ ശിപാര്ശ രാജേന്ദ്ര ആര്ലേക്കര് അംഗീകരിച്ചിരുന്നു. ഇതിന് പിന്നാലെയാണ് ജയിലില് നിന്ന് മോചിപ്പിക്കാനുള്ള ഉത്തരവ് സര്ക്കാര് പുറത്തിറക്കിയത്.2009 നവംബര് ഏഴിനാണ് ഭര്തൃപിതാവ് ചെറിയനാട് തുരുത്തിമേല് കാരണവേഴ്സ് വില്ലയില് ഭാസ്കര കാരണവരെ മരുമകള് ഷെറിന് കൊലപ്പെടുത്തിയത്. ശാരീരിക വെല്ലുവിളികളുള്ള ഭാസ്കര കാരണവറുടെ ഇളയമകന് ബിനു പീറ്ററിന്റെ ഭാവി സുരക്ഷിതമാക്കാനും ഷെറിന്റെ സാമ്ബത്തിക ബുദ്ധിമുട്ടുകള് പരിഹരിക്കാനുമായിരുന്നു 2001ല് ഇവര് വിവാഹിതരായത്. പക്ഷേ ഷെറിന്റെ ബന്ധങ്ങളും ദാമ്ബത്യപൊരുത്തക്കേടുകളും പുറത്തറിഞ്ഞതോടെ ഭര്തൃപിതാവിനെ ഷെറിന് കൊലപ്പെടുത്തുകയായിരുന്നു.
സമൂഹമാധ്യമമായ ഓര്ക്കൂട്ട് വഴിയെത്തിയ സന്ദര്ശകനായിരുന്നു കേസിലെ രണ്ടാം പ്രതിയായ ബാസിത് അലി. മറ്റ് രണ്ട് പ്രതികളും സുഹൃത്തുക്കളുമായ ഷാനുറഷീദ്, നിഥിന് എന്നിവര്ക്കൊപ്പമെത്തിയാണ് കാരണവരെ വധിച്ചത്. സ്വത്തില്നിന്ന് ഒഴിവാക്കിയതിലുള്ള പ്രതികാരമാണ് കൊലപാതകത്തിലേക്കു നയിച്ചതെന്നായിരുന്നു കേസ്. മറ്റ് പ്രതികള് ജയിലില് തുടരുകയാണ്.