ഓടനാവട്ടം: ഗാന്ധിഭവൻ ഓടനാവട്ടം ഇംഗ്ലീഷ് മീഡിയം സ്കൂൾ 40-ാം വാർഷികം വിവിധ പരിപാടികളോടെ നടത്തി. മന്ത്രി ജെ.ചിഞ്ചുറാണി സമ്മേളനം ഉദ്ഘാടനം ചെയ്തു. സാധാരണക്കാരുടെ സ്കൂൾ എന്ന നിലയിൽ ഇവിടം വളരെ മാതൃകാ പരമാണ്. മെച്ചപ്പെട്ട പഠന സൗകര്യങ്ങൾ നൽകി വിദ്യാർഥി പ്രതിഭകളെ വാർത്തെടുക്കുന്നതിൽ അദ്ധ്യാപകരും മാനേജ്മെന്റും നൽകുന്ന സേവനങ്ങളും ശ്ലാഘനീയമാണെന്നും മന്ത്രി പറഞ്ഞു. പി.ടി.എ പ്രസിഡന്റ് എം.ബിനു അദ്ധ്യക്ഷനായി. സ്കൂൾ ഹെഡ് മിസ്ട്രസ് ലതികാരാജേന്ദ്രൻ സ്വാഗതം പറഞ്ഞു. കൊട്ടാരക്കര ബ്ലോക്ക് പഞ്ചായത്ത് പ്രസിഡന്റ് എ.അഭിലാഷ് മുഖ്യതിഥിയായി. കവി ഗിരീഷ് പുലിയൂർ സാംസ്കാരിക പരിപാടി ഉദ്ഘാടനം ചെയ്തു.
പഞ്ചായത്ത് പ്രസിഡന്റ് ആർ. പ്രശാന്ത്, വെളിയം സഹകരണ ബാങ്ക് പ്രസിഡന്റ് വി.ഹരിലാൽ, ശിശുക്ഷേമ സമിതി ജില്ലാ എക്സിക്യുട്ടീവ് അംഗം പി.അനീഷ്, കുടവട്ടൂർ രാധാകൃഷ്ണൻ, കെ.എസ്.ഷിജുകുമാർ, ജോമിൻ കോശി എന്നിവർ സംസാരിച്ചു. പൂർവ വിദ്യാർത്ഥികളായ എസ്. ശ്രീ ലക്ഷ്മി( മെഡിക്കൽ എൻട്രൻസ് പ്രതിഭ ), ജി.നവമി ( കാര്യവട്ടം കാമ്പസ് എം.എസ്. സി ഒന്നാം റാങ്ക് ) എന്നിവരെയും കട്ടയിൽ ഇ.എം.എസ് വായനശാല നടത്തിയ പുസ്തക പെട്ടി വിജയികൾക്കും മന്ത്രി ഉപഹാരങ്ങൾ നൽകി.