ഷിക്കാഗോ : ഈസ്റ്റ് ചാത്തമിലുണ്ടായ വെടിവയ്പ്പിൽ ഷിക്കാഗോ പൊലീസ് ഉദ്യോഗസ്ഥനടക്കം രണ്ട് പേർ കൊല്ലപ്പെട്ടു. തിങ്കളാഴ്ച രാത്രി 8 മണിക്ക് സൗത്ത് ഇംഗ്ലിസൈഡ് അവന്യൂവിലാണ് സംഭവം. മൂന്ന് പേർ സഞ്ചരിച്ചിരുന്ന വാഹനം പരിശോധനയ്ക്കായ് തടഞ്ഞ പൊലീസിന് നേർക്ക് യാത്രികർ വെടിയുതിർക്കുകയായിരുന്നു.
എൻറിക് മാർട്ടിനെസ് (26) എന്ന ഉദ്യോഗസ്ഥനാണ് വെടിയേറ്റത്. ഉടൻ തന്നെ മാർട്ടിനെസിനെ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു. വാഹനത്തിലുണ്ടായിരുന്ന ഒരാളും വെടിയേറ്റ് മരിച്ചു. സംഭവസ്ഥലത്ത് നിന്ന് ഒരു സെമി ഓട്ടോമാറ്റിക് ആയുധവും കണ്ടെത്തി. സംഭവത്തിൽ രണ്ട് പേരെ കസ്റ്റഡിയിൽ എടുത്തിട്ടുണ്ട്.