തിരുവനന്തപുരം: വയനാട് ഉരുൾപൊട്ടൽ ദുരന്തത്തിൽ പുനരവധിവാസ പാക്കേജ് സംബന്ധിച്ച തീരുമാനം എടുക്കുന്നതിൻ്റെ ഭാഗമായി ഇന്ന് സർവകക്ഷി യോഗം ചേരും. ഇന്ന് വൈകീട്ട് 4.30നാണ് യോഗം ചേരുന്നത്. ഓൺലൈനായാണ് യോഗം.
മുഖ്യമന്ത്രി പിണറായി വിജയൻ യോഗത്തിന് മുൻപായി പ്രതിപക്ഷ നേതാവ് വി ഡി സതീശനുമായും, ഉപനേതാവ് പി കെ കുഞ്ഞാലിക്കുട്ടിയുമായും കൂടിക്കാഴ്ച്ച നടത്തും. ഇത് രാവിലെ 9.30നാണ്.
പ്രതിപക്ഷ നേതാക്കളോട് സർക്കാർ ഉദ്ദേശിക്കുന്ന പാക്കേജിനെക്കുറിച്ച് വിശദീകരിക്കാനാണ് കൂടിക്കാഴ്ച്ച. ശേഷം മന്ത്രിസഭാ യോഗം ചേർന്ന് പാക്കേജിനെക്കുറിച്ച് ചർച്ച നടത്തും. വൈകീട്ട് 4.30നു ചേരുന്ന സർവകക്ഷി യോഗത്തിൽ ഇതിൻ്റെ കരട് അവതരിപ്പിക്കും.