പാരീസ്: പാരീസില് അമേരിക്കയുടെ നോഹ ലൈല്സ് വേഗരാജാവ്. ഒളിമ്പിക്സിലെ പുരുഷന്മാരുടെ 100 മീറ്ററില് നോഹ ലൈല്സ് സ്വര്ണമെഡല് സ്വന്തമാക്കി. 9.79 സെക്കന്റില് ഓടിയെത്തിയാണ് താരം ഒന്നാമതെത്തിയത്. ജമൈക്കയുടെ കിഷെയ്ന് തോംസണ് വെള്ളിയും അമേരിക്കയുടെ ഫ്രഡ് കെര്ലി വെങ്കലവും സ്വന്തമാക്കി.തോംസണ് 9.79 സെക്കന്റ് സമയം കുറിച്ചപ്പോള് ഫ്രഡ് കെര്ലി 9.81 സെക്കന്റില് ഫിനിഷ് ചെയ്തു. കിഷെയ്ന് തോംസണെ 0.005 സെക്കൻഡുകളുടെ വ്യത്യാസത്തിലാണ് നോഹ പിന്തള്ളിയത്.
