പൂയപ്പള്ളി : ഓടാനാവട്ടം വെറ്റിംഗ് ഷെഡിനു സമീപം വച്ച് വെളിയം പുല്ലാനിക്കാട്‌ എന്ന സ്ഥലത്തു പൂവണ പുത്തൻ വീട്ടിൽ ഗോപിനാഥൻ പിള്ള മകൻ ഉണ്ണിമോനെയും കൂട്ടുകാരനായ സതീശനെയും കത്തി കൊണ്ട് വെട്ടി പരിക്കേൽപ്പിച്ച പ്രതിയെ പൂയപ്പള്ളി പോലീസ് അറസ്റ്റ് ചെയ്തു. തൃശൂർ പുന്നയൂർ മുറിയിൽ പെരിങ്ങാട്ടുവീട്ടിൽ സന്ദീപ് (40) നെയാണ് അറസ്റ്റ് ചെയ്തത്. പ്രതിയായ സന്ദീപ് പരാതിക്കാരനെയും കൂട്ടുകാരനെയും ചിത്ത വിളിച്ചതു ചോദ്യം ചെയ്തതിലുള്ള വിരോധത്താലാണ് ആക്രമിച്ചത്. കൈയ്യിൽ കരുതിയിരുന്ന വെട്ടുകത്തികൊണ്ട് ഇയാൾ ഇരുവരെയും വെട്ടി പരിക്കേൽപ്പിച്ചു. പൂയപ്പള്ളി എസ്.ഐ അഭിലാഷ് , എ . എസ്.ഐ ബിജു , ചന്ദ്രകുമാർ , രാജേഷ് സി.പി.ഓ മുരുകേഷ്, ബിജേഷ് എന്നിവരാണ് പ്രതിയെ അറസ്റ്റ് ചെയ്തത്.
