കൊട്ടാരക്കര : ഉമ്മന്നൂർ വെട്ടിക്കവല പഞ്ചായത്തുകളെ ബന്ധിപ്പിക്കുന്ന ചെപ്ര പള്ളിമുക്ക്, അമ്പലക്കര പള്ളിമുക്ക്, കക്കാട് റോഡ് ബി എം ബി സി നിലവാരത്തിൽ നവീകരിച്ച് നാടിന് സമർപ്പിച്ചു. ചെപ്ര പള്ളിമുക്കിൽ നടന്ന സമ്മേളനത്തിൽ മന്ത്രി കെ എൻ ബാലഗോപാൽ റോഡിന്റെ ഉദ്ഘാടനം നിർവ്വഹിച്ചു. ശബരിമല പദ്ധതിയിൽ ഉൾപ്പെടുത്തി 5.5 കോടി രൂപയാണ് ചെലവഴിച്ചാണ് പണി പൂർത്തീകരിച്ചത്. സംരക്ഷണ ഭിത്തി, കലുങ്ക്, ഓട, റോഡ് സുരക്ഷ സംവിധാനങ്ങൾ, ദിശാ സൂചികകൾ എന്നിവയോടെ അഞ്ചര കിലോമീറ്റർ നീളത്തിലും അഞ്ചര മീറ്റർ വീതിയിലുമാണ് റോഡ് പുനർ നിർമ്മിച്ചത്. ഉമ്മന്നൂർ പഞ്ചായത്ത് പ്രസിഡന്റ് അമ്പിളി ശിവൻ അധ്യക്ഷയായി. വടകോട് വാർഡ് മെമ്പർ ബിന്ദു പ്രകാശ് സ്വാഗതം പറഞ്ഞു. മുൻ എംഎൽഎ പി അയിഷാപോറ്റി, ജില്ലാ പഞ്ചായത്ത് അംഗം ജയശ്രീ വാസുദേവൻപിള്ള, സിപിഐ എം കൊട്ടാരക്കര ഏരിയ സെക്രട്ടറി പി കെ ജോൺസൻ, പഞ്ചായത്ത് വൈസ് പ്രസിഡന്റ് പി വി അലക്സാണ്ടർ, വെട്ടിക്കവല ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ ബെൻസി റെജി, ബ്ലോക്ക് പഞ്ചായത്ത് അംഗം സിനി ജോസ്, ഉമ്മന്നൂർ സഹകരണ ബാങ്ക് പ്രസിഡന്റ് കുര്യൻ ജോർജ്ജ്, അയത്തിൽ ഉണ്ണികൃഷ്ണൻ, സിപിഐ എം ഉമ്മന്നൂർ ലോക്കൽ സെക്രട്ടറി പി ജെ മുരളീധരൻ ഉണ്ണിത്താൻ, എ നവാസ്, ജി ശ്യാംകുമാർ, ആർ ശശിധരൻ ആചാരി, ആർ ബാലചന്ദ്രൻപിള്ള എന്നിവർ സംസാരിച്ചു.
