കൊട്ടാരക്കര: കെ.എസ്.ആർ.ടി.സി ബസിൽ യാത്രക്കാരിയായ യുവതിയെ ശല്യം ചെയ്തയാൾ അറസ്റ്റിലായി. ആലപ്പുഴ കാവാലം മാളിയേക്കൽ വീട്ടിൽ രാജേഷ് (51) നെയാണ് കൊട്ടാരക്കര പോലീസ് അറസ്ററ് ചെയ്തത്. വ്യാഴാഴ്ച രാത്രി തിരുവല്ലയിൽ നിന്നും തിരുവനന്തപുരത്തേക്ക് പോകുകയായിരുന്ന ബസിൽ സഞ്ചരിച്ച യുവതിക്കാണ് ദുരനുഭവം ഉണ്ടായത്. ബസിൽ വച്ച് രാജേഷിന്റെ ശല്യം കാരണം കൊട്ടാരക്കരയിൽ എത്തിയപ്പോൾ യുവതി പരാതിപ്പെടുകയായിരുന്നു. കൊട്ടാരക്കര പോലീസ് സ്റ്റേഷനിലെ എസ്.ഐ മാരായ സി. കെ. വിദ്യാധിരാജ്, ദീപു , പി.വിശ്വനാഥൻ , സി.പി.ഒ ജിക്‌സൺ എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്.
