സംസ്ഥാന ബാലാവകാശ സംരക്ഷണ കമ്മിഷന്‍ പട്ടികവര്‍ഗ മേഖലയിലെ കുട്ടികള്‍ക്ക് വേണ്ടി സംഘടിപ്പിച്ച ‘കരുതല്‍ 2022’ ഏകദിന ശില്‍പശാലയുടെ ഉദ്ഘാടനം ബാലാവകാശ കമ്മിഷന്‍ ചെയര്‍മാന്‍ കെ.വി.മനോജ് കുമാര്‍ നിര്‍വഹിച്ചു. പട്ടിക വര്‍ഗ മേഖലയിലെ കുട്ടികളുടെ ആരോഗ്യം, വിദ്യാഭ്യാസം, സുരക്ഷ, സാംസ്‌ക്കാരിക ഉന്നമനം തുടങ്ങിയ മേഖലകളില്‍ ബോധവല്‍ക്കരണം നടത്തുക, കുട്ടികളുടെ അവകാശ സംരക്ഷണത്തെക്കുറിച്ച് അവബോധമുണ്ടാക്കുക തുടങ്ങിയ ലക്ഷ്യങ്ങളോടെയാണ് ശില്‍പശാല സംഘടിപ്പിച്ചത്. സംയോജിത പട്ടികവര്‍ഗ വികസന പദ്ധതിയുടെയും ജില്ലാ മെഡിക്കല്‍ ഓഫീസിന്റെയും സഹകരണത്തോടെയാണ് ശില്‍പശാല.
