പ്രണയത്തിന്റെ പേരിൽ കോട്ടയത്ത് നടന്ന കോളേജ് വിദ്യാർത്ഥിനിയുടെ കൊലപാതകം ഗൗരവതരമാണെന്ന് ഉന്നതവിദ്യാഭ്യാസ-സാമൂഹ്യനീതി മന്ത്രി ഡോ. ആർ ബിന്ദു പറഞ്ഞു. ലിംഗനീതി ഉറപ്പാക്കാനുള്ള ബോധവൽക്കരണ പരിപാടികൾക്ക് മന്ത്രി അടിയന്തിര നിർദ്ദേശം നൽകി. എല്ലാ സ്ഥാപന മേധാവികൾക്കും ഇക്കാര്യത്തിൽ നിർദ്ദേശം നൽകുന്ന അടിയന്തിര ഉത്തരവ് പുറപ്പെടുവിക്കാൻ മന്ത്രി ഉന്നതവിദ്യാഭ്യാസ അഡീഷണൽ ചീഫ് സെക്രട്ടറിയോട് ആവശ്യപ്പെട്ടു.
