കൊല്ലം: സാംസ്കാരിക കേരളത്തിന് മറക്കാനാവാത്ത സംഭാവനകള്‍ നല്‍കി കടന്നുപോയ വലിയ കലാകാരനാണ് കൊല്ലം ബാബു എന്ന് ധനകാര്യവകുപ്പ് മന്ത്രി കെ. എന്‍. ബാലഗോപാല്‍.
കഥാപ്രസംഗ കലയില്‍ വേറിട്ട ശബ്ദമായി തിളങ്ങിയ കൊല്ലം ബാബു നാടകരംഗത്തും വ്യക്തിമുദ്ര പതിപ്പിച്ചു. ഒട്ടേറെ അംഗീകാരങ്ങള്‍ സ്വന്തമാക്കിയാണ് മലയാളി മനസ്സുകളില്‍ ഇടം നേടിയത്.
അദ്ദേഹത്തിന്റെ കുടുംബാംഗങ്ങളോടൊപ്പം ദുഃഖത്തില്‍ പങ്കുചേരുന്നു എന്ന് മന്ത്രി അറിയിച്ചു.