കോവിഡ് നിയന്ത്രണങ്ങളുടെ ഭാഗമായി സംസ്ഥാനത്ത് ശനിയാഴ്ച സമ്പൂര്ണ ലോക്ഡൗണ് ആയിരിക്കും. അവശ്യവസ്തുക്കള് വില്ക്കുന്ന കടകള്ക്കുമാത്രമാണ് തുറക്കാന് അനുമതി. ഹോട്ടലുകളില്നിന്ന് ഹോം ഡെലിവറിയും അനുവദിക്കും. നിര്മാണപ്രവര്ത്തനങ്ങള്ക്ക് നിയന്ത്രണങ്ങളോടെ അനുവാദം നല്കും.
ബക്രീദ് പ്രമാണിച്ച് ജൂലൈ 18, 19, 20 തീയതികളില് ലോക്ഡൗണിലും നിയന്ത്രണങ്ങളിലും ഇളവ് ഉണ്ടാകും. ഈ ദിവസങ്ങളില് എ,ബി, സി വിഭാഗങ്ങളില്പെടുന്ന മേഖലകളില് അവശ്യവസ്തുക്കള് വില്ക്കുന്ന ( പലചരക്ക്, പഴം, പച്ചക്കറി, മീന്, ഇറച്ചി, ബേക്കറി ) കടകള്ക്കുപുറമെ തുണിക്കട, ചെരുപ്പ് കട, ഇലക്ട്രോണിക് ഷോപ്പുകള്, ഫാന്സി ഷോപ്പുകള്, സ്വര്ണ്ണക്കട എന്നിവയും തുറക്കുന്നതിന് അനുവാദം നല്കും. രാത്രി 8 മണിവരെയാണ് ഇവയ്ക്ക് തുറന്ന് പ്രവര്ത്തിക്കാന് അനുമതിയുണ്ടാവുക.