ന്യൂഡല്‍ഹി: കൊവിഡ് സാഹചര്യം കാരണം മാസ്ക്കും സാമൂഹിക അകലവും പതിവാക്കിയെങ്കിലും ഇവ കുഞ്ഞുങ്ങളില്‍ മറ്റ് രോഗങ്ങളോടുള്ള പ്രതിരോധശേഷി കുറയാന്‍ കാരണമായേക്കുമെന്ന് ഇംഗ്ളണ്ടില്‍ നടത്തിയ ഒരു പഠനത്തില്‍ കണ്ടെത്തി. കഴിഞ്ഞ 15 മാസമായി കുട്ടികള്‍ക്ക് സാധാരണ പനി പോലുള്ള രോഗങ്ങള്‍ ഉണ്ടാക്കുന്ന വൈറസുകളുമായി യാതൊരു സമ്ബര്‍ക്കവും ഉണ്ടായിട്ടില്ല. അതിനാല്‍ തന്നെ അവരില്‍ ഈ വൈറസുകള്‍ക്കെതിരെയുള്ള പ്രതിരോധശേഷി രൂപപ്പെടാനുളള സാദ്ധ്യത കുറവാണെന്ന് പഠനത്തില്‍ പറയുന്നു.
കുട്ടികളുടെ ശ്വാസകോശത്തെ ബാധിക്കുന്ന റെസ്പിറേറ്ററി സൈന്‍സിഷ്യല്‍ വൈറസ് (ആര്‍ എസ് വി) എന്ന രോഗം കൊവിഡിനു ശേഷമുള്ള കാലയളവില്‍ പടര്‍ന്നു പിടിക്കാനുളള സാഹചര്യം ആരോഗ്യ പോരവര്‍ത്തകര്‍ മുന്‍കൂട്ടി കാണിന്നുണ്ട്. വാക്സിന്‍ ഒന്നും ഇതുവരെ കണ്ടുപിടിച്ചിട്ടില്ലാത്ത ഈ രോഗം ചിലപ്പോള്‍ മരണത്തിന് വരെ കാരണമായേക്കാം. ഡോക്ടര്‍മാരുടെ അഭിപ്രായത്തില്‍ കൊവിഡിന് മുമ്ബ് ഏറ്റവും കൂടുതല്‍ കുട്ടികളില്‍ കണ്ടുവന്നിരുന്ന ഒരു രോഗമായിരുന്നു ഇത്. എന്നാല്‍ കൊവിഡ് വന്നതോടു കൂടി കുട്ടികള്‍ വീടഡുകളില്‍ നിന്ന് പുറത്തിറങ്ങാതെ ആയപ്പോള്‍ അവര്‍ക്ക് ഈ രോഗാണുവുമായുള്ള സമ്ബര്‍ക്കം നഷ്ടമായി. അതിനാല്‍ തന്നെ ഈ രോഗം ഇപ്പോള്‍ അധികം റിപ്പോര്‍ട്ട് ചെയ്യപ്പെടുന്നില്ല. എന്നാല്‍ കൊവിഡിനു ശേഷം കുട്ടികള്‍ പുറത്തിറങ്ങി തുടങ്ങുമ്ബോള്‍ ഇവ വീണ്ടും മടങ്ങി വരാന്‍ സാദ്ധ്യതയുണ്ട്. കുഞ്ഞുങ്ങളുടെ ശരീരത്തില്‍ നിലവില്‍ പ്രതിരോധ ശേഷി വളരെ കുറവായതിനാല്‍ എത്ര കടുത്ത അവസ്ഥയിലാകും ഇത് വരിക എന്ന് പറയാനാകില്ല. ഒരു വയസില്‍ താഴെയുള്ള കുഞ്ഞുങ്ങളിലാണ് സാധാരണ ഈ രോഗം കാണപ്പെടുന്നത്.