പത്തനംതിട്ട : തിരുവല്ല നിയോജക മണ്ഡലത്തിലെ നിയമസഭാ തെരഞ്ഞെടുപ്പ് ക്രമീകരണങ്ങൾ ജില്ലാ തിരഞ്ഞെടുപ്പ് ഓഫീസറും ജില്ലാ കളക്ടറുമായ ഡോ.നരസിംഹുഗാരി തേജ് ലോഹിത് റെഡ്ഡി വിലയിരുത്തി. തിരുവല്ല മണ്ഡലത്തിലെ കളക്ഷൻ, ഡിസ്ട്രിബ്യൂഷൻ, വോട്ടെണ്ണൽ കേന്ദ്രമായ തിരുവല്ല മാർത്തോമ റസിഡൻഷ്യൽ സ്കൂളിലെ ക്രമീകരണങ്ങളും മണ്ഡലത്തിലെ പ്രശ്നബാധിത ബൂത്തുകളും അദ്ദേഹം സന്ദർശിച്ചു.
റാംപ് സൗകര്യം ഇല്ലാത്ത ബൂത്തുകളിൽ അവ ഒരുക്കണമെന്നും കളക്ടർ നിർദേശിച്ചു. പത്തനംതിട്ട ജില്ലാ പോലീസ് മേധാവി ആർ. നിശാന്തിനിയുടെ സാന്നിധ്യത്തിലായിരുന്നു കളക്ടറുടെ സന്ദർശനം. നിലവിലുള്ള 208 ബൂത്തുകൾക്ക് പുറമെ 103 ഓക്സിലറി ബൂത്തുകൾ അടക്കം 313 ബൂത്തുകളാണ് തിരുവല്ല നിയോജകമണ്ഡലത്തിൽ നിലവിലുള്ളത്.തിരുവല്ല ആർഡിഒ പി.സുരേഷ്, അഡീഷണൽ എസ്പി എൻ. രാജൻ, എസിപി ഡോ. എസ് സുനീഷ് ബാബു, തിരുവല്ല തഹസിൽദാർ ഡി.സി. ദിലീപ് കുമാർ തുടങ്ങിയവർ ജില്ലാ കളക്ടർക്ക് ഒപ്പമുണ്ടായിരുന്നു.