ഗൂഡല്ലൂര്‍ : കൈക്കൂലി വാങ്ങുന്നതിനിടയില്‍ പൊലീസ് ഇന്‍സ്പെക്ടര്‍ അറസ്റ്റില്‍ ആയിരിക്കുന്നു. ചേരാമ്പാടി പൊലീസ് സ്റ്റേഷനിലെ ഇന്‍സ്പെക്ടര്‍ ആനന്ദവേലു(50) ആണ് അറസ്റ്റില്‍ ആയിരിക്കുന്നത്. എടവണ്ണ സ്വദേശി ലോറി ഉടമയായ ബിന്‍സ് ഏലിയാസിന്റെ പരാതിയിലാണ് അറസ്റ്റ് ചെയ്തിരിക്കുന്നത്. എടവണ്ണയില്‍ നിന്നും മെറ്റല്‍ എംസാന്‍ഡ് ചേരാമ്പാടിയിലേക്ക് കൊണ്ടു വരാനായി മാസം 40,000 രൂപയാണ് ഇന്‍സ്പെക്ടര്‍ കൈക്കൂലിയായി ആവശ്യപ്പെട്ടത്.
പിന്നീട് 20,000 രൂപ വീതം നല്‍കാമെന്ന് ഉറപ്പിച്ചു. തുടര്‍ന്ന് ബിന്‍സ് ഊട്ടി വിജിലന്‍സിന് പരാതി നല്‍കി. ഊട്ടി വിജിലന്‍സ് ഇന്‍സ്പെക്ടര്‍ സീതാലക്ഷ്മിയുടെ നേതൃത്വത്തില്‍ ഇന്നലെ പൊലീസ് സ്റ്റേഷന് അകത്ത് വച്ച്‌ വിജിലന്‍സ് നല്‍കിയ പണം കൈമാറുന്നനിടയിലാണ് ആനന്ദവേലുവിനെ അറസ്റ്റ് ചെയ്തിരിക്കുന്നത്