സ്വര്‍ണവില പവന് 39,440 രൂപയായി. ഒറ്റദിവസംകൊണ്ട് 1,040 രൂപ വര്‍ധിച്ചതിനുപിന്നാലെ കഴിഞ്ഞ ദിവസം പവന് 800 രൂപയുടെ ഇടിവുണ്ടായി. ഇതുപ്രകാരം ഒരു പവന് സ്വര്‍ണത്തിന്റെ വില 39,440 രൂപയായി. ഗ്രാമിന് 100 രൂപകുറഞ്ഞ് 4930 രൂപയുമായി. ചൊവ്വാഴ്ച രാവിലെ 800 രൂപയും ഉച്ചയ്ക്ക് 240 രൂപ കൂടി വര്‍ധിച്ച്‌ 40,240 രൂപയായിലെത്തയിരുന്നു.
അന്താരാഷ്ട്ര വില ഒരു ട്രോയ് ഔണ്‍സ് (31.1 ഗ്രാം) തനിത്തങ്കത്തിന് 2,002.12 ഡോളറായി കുറഞ്ഞു. കഴിഞ്ഞദിവസം 2,010 ഡോളറിലേക്ക് വില ഉയര്‍ന്നിരുന്നു. വില 42,000 രൂപ നിലവാരത്തിലേയ്ക്ക് ഉയര്‍ന്നതിനുശേഷം വിപണിയില്‍ കനത്ത ചാഞ്ചാട്ടമാണ് പ്രകടമാകുന്നത്. നിക്ഷേപകര്‍ ലാഭമെടുക്കുന്നതും തിരിച്ച്‌ നിക്ഷേപം നടത്തുന്നതുമാണ് പ്രധാനാകാരണം.