തെഹ്റാൻ: ഇസ്രയേൽ-ഇറാൻ സംഘർഷത്തെ തുടർന്ന് കണ്ണൂരിൽ നിന്നും കരിപ്പൂരിൽ നിന്നുമുള്ള വിമാന സർവീസുകൾ റദ്ദാക്കി. ദുബൈവിമാന സർവീസും ദുബൈയിൽ നിന്നും ഷാർജയിൽ നിന്നും കണ്ണൂരിലേക്കുള്ള വിമാന സർവീസുകളും റദ്ദാക്കി.കരിപ്പൂരിൽ നിന്നുള്ള ഷാർജ വിമാനസർവീസും റദ്ദാക്കിയിട്ടുണ്ട്. രാത്രി 12.35ന് പുറപ്പെടേണ്ട സർവീസാണ് റദ്ദാക്കിയത്. എയർ ഇന്ത്യ എക്സ്പ്രസ് വിമാനങ്ങളാണ് റദ്ദാക്കിയത്. വ്യോമപാത ദുബൈ താത്കാലികമായി അടച്ചതിന് പിന്നാലെയാണ് വിമാന സർവീസുകൾ റദ്ദാക്കിയത്.
യുദ്ധസമാന സാഹചര്യം നിലനിൽക്കുന്നതിനാൽ ഇറാനിലെ ഇന്ത്യൻ വിദ്യാർത്ഥികളെ മാറ്റുകയാണ്. കരമാർഗം ഇവരെ അർമേനിയയിലേക്ക് മാറ്റുമെന്നാണ് വിവരം. 110 വിദ്യാർത്ഥികളുടെ ആദ്യ സംഘം അർമേനിയൻ അതിർത്തിയിലെത്തും. ശേഷം വിമാനമാർഗം ഇന്ത്യയിലെത്തിക്കും.