കൊച്ചി : സംസ്ഥാനത്ത് വിവിധ ഇടങ്ങളില്‍ കഞ്ചാവ് വേട്ട. എറണാകുളം മാഞ്ഞാലിയില്‍ നിന്ന് 1.250 കിലോ കഞ്ചാവുമായി നീലു ദ്വൈരി എന്ന ഒഡീഷ സ്വദേശി എക്‌സൈസിന്റെ പിടിയിലായി. ഇയാളുടെ ഒപ്പമുണ്ടായിരുന്ന ഒഡീഷ സ്വദേശി സിദ്ധാന്ത മുതിലി ഓടി രക്ഷപ്പെട്ടു.
ആലുവ ദേശം പുറയാര്‍ ഗേറ്റില്‍ നിന്നും കഞ്ചാവ് പിടികൂടി. 1.038 കിലോ കഞ്ചാവുമായി പശ്ചിമ ബംഗാള്‍ സ്വദേശി ദീപക്കിനെയാണ് പോലീസ് പിടികൂടിയത്. കോഴിക്കോട് താമരശ്ശേരിയിലും എക്‌സൈസ് പരിശോധനയില്‍ മെത്തഫിറ്റെമിനും കഞ്ചാവുമായി രണ്ട് യുവാക്കള്‍ പിടിയിലായി. റമീസ്, സിദ്ദീഖ് എന്നിവരാണ് പിടിയിലായത്. 636 മില്ലിഗ്രാം മെത്തഫിറ്റെമിനാണ് ഇവരില്‍ നിന്ന് കണ്ടെടുത്തത്.