ന്യൂഡൽഹി: നീറ്റ് പരീക്ഷ വീണ്ടും നടത്തേണ്ടതില്ലെന്ന വിധി പുനഃപരിശോധിക്കണമെന്നുള്ള ഹർജി സുപ്രീംകോടതി തള്ളി. നീറ്റ് പരീക്ഷ വീണ്ടും നടത്തുകയാണെങ്കിൽ 24 ലക്ഷത്തിലധികം വിദ്യാർഥികളെയും മെഡിക്കൽ വിദ്യാഭ്യാസത്തെയും പ്രതികൂലമായി ബാധിക്കുമെന്നു വ്യക്തമാക്കിയാണ് ഹർജി തള്ളിയത്. നീറ്റ് ചോദ്യപേപ്പറുകൾ വ്യാപകമായി ചോർന്നതിന് മതിയായ തെളിവുകളില്ലെന്നു ചൂണ്ടിക്കാട്ടിയായിരുന്നു പരീക്ഷ വീണ്ടും നടത്തേണ്ടതില്ലെന്ന് സുപ്രീംകോടതി ജൂലൈ 23ന് വിധി പറഞ്ഞത്.
