കൊച്ചി∙ സ്വകാര്യബസുകൾക്ക് 140 കിലോമീറ്ററിലധികം ദൂരം പെർമിറ്റ് അനുവദിക്കേണ്ടെന്ന വ്യവസ്ഥ ഹൈക്കോടതി റദ്ദാക്കി. ഈ ദൂരപരിധി നിശ്ചയിച്ചുള്ള മോട്ടർ വെഹിക്കിൾ സ്കീമിലെ വ്യവസ്ഥയാണ് ജസ്റ്റിസ് ഡി.കെ.സിങ് റദ്ദാക്കിയത്. ഇത്തരമൊരു വ്യവസ്ഥ നിയമവിരുദ്ധമായതിനാല് നിലനിൽക്കില്ലെന്ന് ചൂണ്ടിക്കാട്ടി സ്വകാര്യ ബസുടമ പാലാ സ്വദേശി ബേബി ജോസഫ് ഉൾപ്പെടെ സമർപ്പിച്ച ഹർജിയിലാണ് ഉത്തരവ്.
