കൊച്ചി: പ്ലസ് വൺ വിദ്യാർത്ഥി തടാകത്തിൽ വീണതായി സംശയിക്കുന്നു. എറണാകുളത്തെ നെട്ടൂരിലാണ് സംഭവം. നെട്ടൂർ ബീച്ച് സോക്കറിന് സമീപം മുതിരപ്പറമ്പ് വീട്ടിൽ ഫിറോസിൻ്റെ മകൾ പതിനാറുകാരി ഫിദയെയാണ് കാണാതായത്. ഇവിടെ വാടക വീട്ടിലാണ് കുടുംബം കഴിയുന്നത്.
ഫയർഫോഴ്‌സും സ്‌കൂബ ടീമും രക്ഷാപ്രവർത്തനം ആരംഭിച്ചു.വെള്ളിയാഴ്ച രാവിലെ 6.30ഓടെയാണ് സംഭവം. തടാകത്തിന് സമീപം മാലിന്യം തള്ളാൻ പോയ പെൺകുട്ടിയെ കാണാതാവുകയായിരുന്നു. പിന്നീട് കുട്ടിയെ ആരും കണ്ടിട്ടില്ല. നിലമ്പൂർ സ്വദേശികളായ ഫിദയും കുടുംബവും കുറച്ചുകാലമായി ഇവിടെയാണ് താമസം. നാട്ടുകാരും തിരച്ചിലിൻ്റെ ഭാഗമാണ്.