സംസ്ഥാനത്തു വീണ്ടും അമീബിക് മസ്തിഷ്‌ക ജ്വരം ബാധിച്ച് മരണം. കോഴിക്കോട് സ്വകാര്യ ആശുപത്രിയില്‍ ചികിത്സയില്‍ കഴിഞ്ഞ ഫറോഖ് സ്വദേശിയായ പതിനാലുകാരന്‍ മൃദുലാണ് ഇന്നു പുലര്‍ച്ചെ മരിച്ചത്. കഴിഞ്ഞ മാസം 24-നാണ് രോഗലക്ഷണങ്ങളോടെ മൃദുലിനെ ആശുപത്രിയില്‍ പ്രവേശിപ്പിച്ചത്.
കോഴിക്കോട് രാമനാട്ടുകര മുനിസിപ്പാലിറ്റിക്കു കീഴിലുള്ള അച്ചംകുളത്തിൽ കുളിച്ച ശേഷമാണ് കുട്ടിയില്‍ രോഗലക്ഷണങ്ങള്‍ കണ്ടതെന്നു ബന്ധുക്കള്‍ പറയുന്നു. രണ്ടു മാസത്തിനിടെ അമീബിക് മസ്തിഷ്‌ക ജ്വരം ബാധിച്ചു മരിക്കുന്ന കുട്ടികളുടെ എണ്ണം ഇതോടെ രണ്ടായി.