തൃശൂർ: തൃശൂർ കണിമംഗലത്ത് സ്വകാര്യ ബസ് മറിഞ്ഞ് അപകടം. സ്ത്രീകളും കുട്ടികളും ഉൾപ്പെടെ നിരവധിപേർക്ക് അപകടത്തിൽ പരിക്ക് പറ്റി.
പലരുടേയും നില ഗുരതരമാണ്. പരിക്കേറ്റവരെ തൃശൂരിലെ വിവിധ സ്വകാര്യ ആശുപത്രിയിലേക്ക് മാറ്റിയിരിക്കുകയാണ്. അപകടം നടന്നത് രാവിലെയായിരുന്നു. അതുകൊണ്ട് തന്നെ യാത്രക്കാരിൽ അധികവും കുട്ടികളും സ്ത്രീകളും ആയിരുന്നു. നിയന്ത്രണം വിട്ടാണ് ബസ് മറിഞ്ഞതെന്നാണ് നാട്ടുകാർ പറയുന്നത്. ഫയർഫോഴ്സും നാട്ടുകാരും പോലീസും ചേർന്നാണ് രക്ഷാപ്രവർത്തനം നടത്തുന്നത്.