ഇസ്ലാമാബാദ്: തോഷഖാന റഫറൻസ് കേസില്‍ തെഹ്‌രീകെ ഇൻസാഫ് (പിടിഐ) ചെയര്‍മാനും പാകിസ്ഥാൻ മുൻ പ്രധാനമന്ത്രിയും ഇമ്രാൻ ഖാന് തിരിച്ചടി.കേസില്‍ ഇമ്രാൻ ഖാൻ കുറ്റക്കാരനെന്ന് കണ്ടെത്തിയ കോടതി മൂന്ന് വര്‍ഷത്തെ തടവ് ശിക്ഷ വിധിച്ചു .
തോഷഖാന കേസിലെ ഇമ്രാൻ ഖാനെതിരായ അഴിമതി ആരോപണങ്ങള്‍ തെളിഞ്ഞെന്ന് ഇസ്ലാമാബാദിലെ വിചാരണ കോടതി വ്യക്തമാക്കി. ഇമ്രാൻ ഖാന് ഒരു ലക്ഷം രൂപ പിഴയും ചുമത്തിയിട്ടുണ്ട്. 3 വര്‍ഷം ശിക്ഷിക്കപ്പെട്ടതോടെ ഇമ്രാൻ ഖാന് അ‍ഞ്ച് വര്‍ഷത്തേക്ക് തെരഞ്ഞെടുപ്പില്‍ മത്സരിക്കാനാകില്ല.