കേരള കർഷക ഫെഡറേഷൻ സംസ്ഥാന സമ്മേളനം കൊട്ടാരക്കരയിൽ കൊട്ടാരക്കര : കേരള കർഷക ഫെഡറേഷൻ 10-ാം സംസ്ഥാന സമ്മേളനം ജൂലൈ 8 ശനിയാഴ്ച കൊട്ടാരക്കരയിൽ നടക്കും.
10 മണിക്ക് പതാക ഉയർത്തൽ. തുടർന്ന് ഈറ്റ് ആന്റ് പായ്ക്ക് ഹോട്ടൽ ഓഡിറ്റോറിയത്തിൽ നടക്കുന്ന പ്രതിനിധി സമ്മേളനം സി. എം. പി. സംസ്ഥാന ജനറൽ സെക്രട്ടറി സി. പി. ജോൺ ഉദ്ഘാടനം ചെയ്യും. ഫെഡറേഷൻ ചെയർമാൻ കെ. സുരേഷ്ബാബു അദ്ധ്യക്ഷത വഹിക്കും. കർഷക ഫെഡറേഷൻ സംസ്ഥാന ജനറൽ സെക്രട്ടറി വികാസ് ചക്രപാണി പ്രവർത്തന റിപ്പോർട്ട് അവതരിപ്പിക്കും. സി. എം. പി. സംസ്ഥാന അസിസ്റ്റന്റ് സെക്രട്ടറി എം. പി. സാജു, അഡ്വ. ബി. സ്വാതി കുമാർ, സി. എം. പി. ജില്ലാ സെക്രട്ടറി സി. കെ. രാധാകൃഷ്ണൻ, കർഷക ഫെഡറേ ഷൻ സംസ്ഥാന വൈസ് ചെയർമാൻമാരായ കൊച്ചുകൃഷ്ണ പിളള, എസ്. അനിൽകുമാർ, സെക്രട്ടറിമാരായ എസ്. അമ്മിണികുട്ടൻപിളള, കെ. കെ. ശ്രീകു മാർ, സി. എ. ജോൺ, കെ. അരവിന്ദാക്ഷൻ എന്നിവർ സംസാരിക്കും.
കേരളത്തിലെ കർഷകർ ചരിത്രത്തിലെ ഏറ്റവും ദുരിതപൂർണ്ണമായ അവ സ്ഥയിലൂടെ കടന്നുപോകുന്ന സാഹചര്യമാണ് ഇന്ന്. സംഭരിച്ച് നെല്ല് കുത്തി അരിയാക്കി വിപണിയിൽ വിറ്റിട്ട് മാസങ്ങളായിട്ടും സംഭരണ വില നൽകാൻ സർക്കാർ തയ്യാറായിട്ടില്ല, നാളീകേരത്തിന്റെ ഉത്പാദനച്ചിലവിന്റെ പകുതി പോലും വിലയായി കർഷകന് ലഭിക്കുന്നില്ല, ചെറുകിട റബ്ബർ തോട്ടങ്ങൾ ഭൂരിഭാഗവും വില ക്കുറവുമൂലം ഉത്പാദനം നിർത്തിവച്ചിരിക്കുകയാണ്. റബ്ബറിന്റെ താങ്ങുവില 250 രൂപയാക്കുമെന്ന് പ്രഖ്യാപിച്ച് അധികാരത്തിലേറിയ സർക്കാർ യു. ഡി. എഫ്. സർക്കാർ നൽകി വന്നിരുന്ന 150 രൂപ താങ്ങുവില പോലും നൽകാൻ തയാറാകുന്നില്ല. വനമേഖലയോട് ചേർന്ന് ജീവിക്കുന്ന കർഷകർ ഭൂപ്രശ്നവും വന്യമൃഗ ശല്യവും മൂലം കൃഷി പൂർണ്ണമായും ഉപേക്ഷിച്ച സാഹചര്യമാണ് ഇന്നുളളത്. ഇതിന് പരി ഹാരം കാണുന്നതിനും കേന്ദ്ര-സംസ്ഥാന സർക്കാരുകൾക്കും സാധിച്ചിട്ടില്ല. ഇത്തരം പ്രശ്നങ്ങൾ സമ്മേളനം ചർച്ച ചെയ്യുകയും ഭാവി പ്രക്ഷോഭ പരിപാടികൾ സമ്മേ ളനം രൂപം നൽകുകയും ചെയ്യും. ,
പത്രസമ്മേളനത്തിൽ കർഷക ഫെഡറേഷൻ ചെയർമാൻ കെ. സുരേഷ്ബാബു സി. എം. പി. കൊല്ലം ജില്ലാ സെക്രട്ടറി സി. കെ. രാധാകൃഷ്ണൻ, കൊച്ചുകൃഷ്ണപിളള, എസ്. അമ്മിണികുട്ടൻപിളള, രാജു ശൂരനാട്, അഡ്വ. ബി. ഉണ്ണിക്കൃഷ്ണൻ, ഡി ടി കുമ്പു കാടൻ എന്നിവർ പങ്കെടുത്തു