തിരുവനന്തപുരം : ഈ മാസത്തോടെ സെക്രട്ടേറിയറ്റിലെ മാതൃകയില് സംസ്ഥാനത്തെ എല്ലാ ഓഫീസുകളിലെയും ഫയല്നീക്കം പൂര്ണമായി ഇ-ഓഫീസ് വഴിയാക്കും. സര്ക്കാര്വകുപ്പുകള് തമ്മിലുള്ള ആശയവിനിമയം ഇലക്ട്രോണിക്കാക്കി മാറ്റാനുള്ള സാങ്കേതിക ഒരുക്കങ്ങള് ഉടനടി പൂര്ത്തിയാക്കാന് ചീഫ് സെക്രട്ടറി ഡോ. വി.പി. ജോയ് പ്രത്യേകം നിര്ദേശം നല്കി. ഇത് നടപ്പാകുന്നതോടെ സര്ക്കാര്ഓഫീസുകളില് കടലാസുഫയലുകളുണ്ടാവില്ല.
