പൂയപ്പള്ളി : ഡ്രൈ ഡേയിൽ മദ്യവിൽപ്പന നടത്തിയ ഓട്ടോറിക്ഷ ഡ്രൈവറെ പൂയപ്പള്ളി പോലീസ് അറസ്റ്റ് ചെയ്തു. വെളിയം പുതുപാടം തോട്ടത്തിൽ വീട്ടിൽ അനിൽ (44) നെയാണ് അറസ്റ്റ് ചെയ്തത്. ഇയാൾ വെളിയം മാർക്കറ്റിനുള്ളിൽ ഓട്ടോറിക്ഷയിൽ വച്ച് ഇന്ത്യൻ നിർമ്മിത വിദേശമദ്യം കച്ചവടം നടത്തുന്നതിനിടയിലാണ് പോലീസ് പിടിയിലായത്. എസ്.ഐ ജയപ്രദീപ്, എ.എസ്.ഐ രാജേഷ്, എ.എസ്.ഐ അഖിലേഷ് എന്നിവരടങ്ങുന്ന പോലീസ് സംഘമാണ് പ്രതിയെ അറസ്റ്റ് ചെയ്തത്
