സംസ്ഥാനത്ത് വെളിച്ചമില്ലാത്ത ഒരു പൊതുനിരത്തും ഉണ്ടാകരുതെന്ന സർക്കാരിന്റെ തീരുമാനമാണ് നിലാവ് പദ്ധതി ആവിഷ്‌ക്കരിക്കാൻ ഇടയാക്കിയത്. കെഎസ്ഇബി തദ്ദേശ സ്വയംഭരണ വകുപ്പ് വഴി നടപ്പിലാക്കി വരുന്ന ‘നിലാവ്’പദ്ധതി അതിന്റെ പൂർണ്ണതയിലേക്കുളള സഞ്ചാരത്തിലാണ്. തദ്ദേശ സ്ഥാപനങ്ങളുടെ നേതൃത്വത്തിൽ തെരുവുവിളക്കുകൾ എൽഇഡിയിലേക്ക് മാറിയതോടെ ഊർജ സംരക്ഷണം ഉറപ്പാക്കുന്നതിനൊപ്പം പരിസ്ഥിതി ആഘാതവും ലഘൂകരിക്കാൻ കഴിഞ്ഞു. കേരളത്തിലെ പരമ്പരാഗത തെരുവുവിളക്കുകൾ മാറ്റി എൽഇഡി ലൈറ്റുകളിലേക്കുള്ള മാറ്റത്തിലാണിപ്പോൾ. നിലാവെളിച്ചം പോലെ വെളിച്ചം നൽകുന്ന ഈ പദ്ധതിക്ക് വലിയ സ്വീകാര്യതയാണ് ലഭിക്കുന്നത് .
