തിരുവനന്തപുരം: കെഎസ്‌ആര്‍ടിസി ലേ ഓഫ് നിര്‍ദ്ദേശത്തില്‍ എടുത്തുചാടി തീരുമാനം സ്വീകരിക്കില്ലെന്ന് ഗതാഗത മന്ത്രി ആന്‍്റണി രാജു വ്യക്തമാക്കി. എംഡിയുടെ നിര്‍ദ്ദേശം സര്‍ക്കാരിന് മുന്നിലെത്തിയിട്ടില്ലെന്നും വിശദമായി പരിശോധിച്ച ശേഷം മാത്രമായിരിക്കും തീരുമാനമെന്നും മന്ത്രി കൂട്ടിച്ചേര്‍ത്തു.
ജീവനക്കാരുടെ ആശങ്ക പരിഗണിക്കുമെന്നാണ് മന്ത്രിയുടെ ഉറപ്പ്. ബെവ്കോ ഔട്ട്ലെറ്റ് നിര്‍ദ്ദേശം ദുര്‍വ്യാഖ്യാനം ചെയ്യുകയാണെന്നും ബസ് സ്റ്റാന്‍ഡിലല്ല, മറിച്ച്‌ ഒഴിഞ്ഞുകിടക്കുന്ന സ്ഥലങ്ങളിലും ഡിപ്പോകളിലുമാണ് ഔട്ലെറ്റ് കൊണ്ടുവരാന്‍ ഉദ്ദേശിക്കുന്നതെന്നും ആന്‍്റണി രാജു വ്യക്തമാക്കി.