കൊച്ചി: അങ്കമാലി തുറവൂരില്‍ രണ്ടു മക്കളെ തീ കൊളുത്തി കൊലപ്പെടുത്തിയ ശേഷം മാതാവ് ആത്മഹത്യയ്ക്ക് ശ്രമിച്ചു.അങ്കമാലി തുറവൂര്‍ പെരിങ്ങാം പറമ്ബില്‍ ഇന്ന് ഉച്ചകഴിഞ്ഞാണ് നാടിനെ നടുക്കിയ ദാരുണമായ സംഭവം നടന്നത്.തുറവൂര്‍ പെരിങ്ങാംപറമ്ബില്‍ ഇളംന്തുരുത്തി വീട്ടില്‍ അഞ്ജു(29)വിന്റെ മക്കളായ ആതിര(6),അരുഷ്(3) എന്നിവരാണ് മരിച്ചത്. അഞ്ജുവിനെ ഗുരുതരമായ പരിക്കുകളോടെ തൃശൂര്‍ മെഡിക്കല്‍ കോളജിലേക്ക് മാറ്റി.
ഇവരുടെ നിലയും ഗുരുതരമാണ്.അഞ്ജുവിന്റെ ഭര്‍ത്താവ് അനൂപ് ഒരു മാസം മുമ്ബ് ഹൃദയാഘാതത്തെ തുടര്‍ന്ന് മരിച്ചിരുന്നു.ഇതോടെ അഞ്ജു വലിയ മാനസിക വിഷമത്തിലായിരുന്നുവെന്നാണ് സമീപ വാസികള്‍ പറയുന്നത്.സാമ്ബത്തിക പ്രതിസന്ധിയെ തുടര്‍ന്നാണ് അഞ്ജു കുട്ടികളെയുമായി ആത്മഹത്യ ചെയ്യാന്‍ ശ്രമിച്ചതെന്നാണ് പ്രാഥമിക വിവരം.മണ്ണെണ്ണ ഒഴിച്ചാണ് തീ കൊളുത്തിയതെന്നാണ് വിവരം. പോലിസ് അന്വേഷണം ആരംഭിച്ചു.