കൊല്ലം: പത്തുമാസം പ്രായമുള്ള കുഞ്ഞിന്റെ തൊണ്ടയില്‍ സേഫ്റ്റി പിന്‍ കുടുങ്ങി. കളിക്കുന്നതിനിടയിലായിരുന്നു സംഭവം. തുടര്‍ന്ന് അപൂര്‍വ ശസ്ത്രക്രിയയിലൂടെ സേഫ്റ്റിപിന്‍ പുറത്തെടുക്കുകയായിരുന്നു. കൊല്ലം ജില്ലയിലെ കരുനാഗപ്പള്ളിയിലാണ് സംഭവം നടന്നത്. ശിഹാബുദ്ദീന്‍-സുലേഖ ദമ്ബതികളുടെ കുഞ്ഞിന്റെ തൊണ്ടയിലാണ് സേഫ്റ്റിപിന്‍ കുടുങ്ങിയത്.
സേഫ്റ്റി പിന്‍ കുടുങ്ങിയ ശേഷം പിന്നീട് കുട്ടിക്ക് വായടക്കാന്‍ സാധിച്ചിരുന്നില്ല.
തുടര്‍ന്ന് കുഞ്ഞ് നിര്‍ത്താതെ കരഞ്ഞപ്പോള്‍ പരിഭ്രാന്തിയിലായ വീട്ടുകാര്‍ ആശുപത്രിയില്‍ എത്തിച്ചെങ്കിലും സേഫ്റ്റി പിന്‍ എടുക്കാനായില്ല. ഇതിനിടെ കുഞ്ഞിന് ശ്വാസം എടുക്കാന്‍ ബുദ്ധിമുട്ട് അനുഭവപ്പെടുകയും ചെയ്തു. പിന്നീടാണ് ശാസ്ത്രക്രിയയിലൂടെ പിന്‍ നീക്കം ചെയ്തത്.