ആസ്‌ട്രേലിയയോട് ഒന്നിനെതിരെ ഏഴ് ഗോളുകള്‍ക്ക് ദയനീയ തോല്‍വി ഏറ്റുവാങ്ങിയ ഇന്ത്യ, പുരുഷ വിഭാഗം ഹോക്കിയില്‍ എതിരില്ലാത്ത മൂന്ന് ഗോളുകള്‍ക്ക് സ്‌പെയിനിനെ തകര്‍ത്ത് തിരിച്ചു വരവ് ഗംഭീരമാക്കി.രുപിന്ദര്‍ പാലിന്റെ ഇരട്ട ഗോളും സിമ്രാന്‍ജീത് സിംഗിന്റെ ഒരു ഗോളുമാണ് ഇന്ത്യക്ക് ജയമൊരുക്കിയതു. ത്രുപിന്ദര്‍ പാലിന്റെ ഇരട്ട ഗോളും സിമ്രാന്‍ജീത് സിംഗിന്റെ ഒരു ഗോളുമാണ് ഇന്ത്യക്ക് ജയമൊരുക്കിയത്.കളിയുടെ ഭൂരിഭാഗ സമവും ഇന്ത്യന്‍ മേധാവിത്വമാണ് കണ്ടത്. ആക്രമണങ്ങള്‍ക്കു മുതിരുമ്പോഴെല്ലാം സ്‌പെയിനിനെ സമ്മര്‍ദ്ദത്തിലാക്കാന്‍ ഇന്ത്യക്ക് കഴിഞ്ഞു.
എട്ടാം മിനിറ്റില്‍ സിമ്രന്‍ജീത്തിന് അവസരം നഷ്ടമായതോടെയാണ് സ്‌പെയിനിന് ആദ്യ കോര്‍ണര്‍ അവസരം ലഭിച്ചത്. പന്ത്രണ്ടാം മിനിറ്റിനുള്ളില്‍ സ്പെയിന്‍ ആക്രമണത്തിനിറങ്ങി, നിരവധി ഷോട്ടുകള്‍ നേടിയെങ്കിലും സിമ്രാന്‍ജീത് നേടിയ ഗോളിലൂടെ ഇന്ത്യ 14-ാം മിനിറ്റില്‍ 1-0ന് മുന്നിലെത്തി.
തൊട്ടടുത്ത മിനിറ്റില്‍ പെനാല്‍റ്റി കോര്‍ണര്‍ ലക്ഷ്യത്തിലെത്തിച്ച് രുപിന്ദര്‍ ഇന്ത്യയുടെ ലീഡുയര്‍ത്തി. ആദ്യ രണ്ട് ക്വാര്‍ട്ടറിലുമായി സ്പെയ്നിന് മൂന്ന് പെനാല്‍റ്റി കോര്‍ണര്‍ ലഭിച്ചിരുന്നു. എന്നാല്‍ ഒന്നുപോലും ലക്ഷ്യത്തിലെത്തിക്കാന്‍ അവര്‍ക്കായില്ല. രണ്ടാം പാദത്തില്‍ സ്പെയിന്‍ ആക്രമണത്തിനിറങ്ങിയെങ്കിലും രണ്ട് ഗോള്‍ ലീഡ് നിലനിര്‍ത്തി ഇന്ത്യ കരുത്തുകാട്ടി. ആശ്വാസ ഗോള്‍ നേടാനായി കിണഞ്ഞു ശ്രമിച്ചെങ്കിലും ശ്രീജേഷിന്റെ ഉജ്ജ്വല സേവുകള്‍ സ്പാനിഷ് പടയ്ക്ക് വിലങ്ങുതടിയായി. ഇതോടെ മൂന്ന് മത്സരങ്ങളില്‍ നിന്നും ഇന്ത്യ ആറുപോയന്റ് സ്വന്തമാക്കി.