കൊല്ലം; യുവതിയെ പാറമടയില്‍ മരിച്ച നിലയില്‍ കണ്ടെത്തി. കൊട്ടാരക്കര വെളിയം പടിഞ്ഞാറ്റിന്‍കര ഗിരീഷ് മന്ദിരത്തില്‍ രതീഷിന്റെ ഭാര്യ കൃഷ്ണ(27)യെ ആണ് പടിഞ്ഞാറ്റിന്‍കരയിലെ പാറമടയില്‍ മരിച്ച നിലയില്‍ കണ്ടെത്തിയത്.
രാവിലെ കുടുംബാംഗങ്ങള്‍ക്ക് കാപ്പി ഉണ്ടാക്കിക്കൊടുത്തശേഷം 8.45 മുതല്‍ കൃഷ്ണയെ വീട്ടില്‍ നിന്നും കാണാതാവുകയായിരുന്നു. തുടര്‍ന്ന് നടന്ന അന്വേഷണത്തില്‍ 400 മീറ്ററോളം അകലെയുള്ള പാറമടയില്‍ നിന്നുമാണ് മൃതദേഹം കണ്ടെത്തിയത്. മൃതദേഹം പോസ്റ്റുമോര്‍ട്ടത്തിനായി തിരുവനന്തപുരം മെഡിക്കല്‍ കോളേജിലേക്ക് കൊണ്ടുപോയി. സംഭവത്തെ കുറിച്ച്‌ പൂയപ്പള്ളി പോലീസ് അന്വേഷണം ആരംഭിച്ചു.