Asian Metro News

കോവിഡ് ബാധിച്ച് മരിച്ച വയോധികയുടെ മൃതദേഹം ബന്ധുക്കൾ കൈപ്പറ്റിയില്ല; അന്ത്യകർമ്മങ്ങൾ ഹൈന്ദവാചാരപ്രകാരം നടത്തി മുസ്ലീം യുവാവ്

 Breaking News
  • റോഡിന്റെ ശോചനീയാവസ്ഥ പരിഹരിക്കണം എന്ന പ്രദേശവാസികളുടെ ആവിശ്യമനുസരിച്ച് യൂത്ത് കോൺഗ്രസ്സ് ഉമ്മന്നൂർ മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധം നടത്തി. ഉമ്മന്നൂർ : നെല്ലിക്കുന്നം, ചെപ്ര റോഡിന്റെ ശോചനീയാവസ്ഥ എത്രയും പെട്ടന്ന് പരിഹരിച്ച് സഞ്ചാരയോഗ്യമാക്കണം എന്ന പ്രദേശവാസികളുടെ ആവിശ്യമനുസരിച്ച് യൂത്ത് കോൺഗ്രസ്സ് ഉമ്മന്നൂർ മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധം നടത്തി. വളരെയധികം വാഹന തിരക്കേറിയ ഈ റോഡിന്റെ അവസ്ഥ കഴിഞ്ഞ 16 വർഷക്കാലമായി...
  • ഫാമിലി കൗൺസിലർ ഒഴിവ് തിരുവനന്തപുരം : പൂജപ്പുരയിൽ പ്രവർത്തിക്കുന്ന ഗവ: മഹിളാ മന്ദിരത്തിൽ ഒരു മൾട്ടി ലിംഗിസ്റ്റിക് ഫാമിലി കൗൺസിലറുടെ ഒഴിവിലേക്ക് കരാറടിസ്ഥാനത്തിൽ നിയമനത്തിന് അപേക്ഷ ക്ഷണിച്ചു.മലയാളം, ഹിന്ദി, ഇംഗ്ളീഷ് ഭാഷകൾ എഴുതാനും സംസാരിക്കാനും കഴിയുന്ന എം.എസ്.ഡബ്ളിയു, എം.എ സോഷ്യോളജി, എം.എ സൈക്കോളജി എന്നിവയിലേതെങ്കിലും യോഗ്യതയുള്ള...
  • തൊഴിലുറപ്പ് പദ്ധതിയില്‍ എന്‍ജിനീയര്‍ ഒഴിവ് പാലക്കാട്‌: കുഴല്‍മന്ദം ബ്ലോക്ക് പഞ്ചായത്തില്‍ തൊഴിലുറപ്പ് പദ്ധതിയില്‍ അക്രെഡിറ്റഡ് എന്‍ജിനീയറുടെ നിലവിലുള്ള ഒഴിവിലേക്ക് കരാറടിസ്ഥാനത്തില്‍ നിയമനം നടത്തുന്നു. ബിടെക്. അഗ്രി/ സിവില്‍ എഞ്ചിനീയറിംഗ് ബിരുദമുള്ളവര്‍ക്ക് അപേക്ഷിക്കാം. ബിടെക് അഗ്രി. യോഗ്യതയുള്ളവര്‍ക്ക് മുന്‍ഗണന. ഈ മേഖലയില്‍ മൂന്ന് വര്‍ഷത്തെ പ്രവൃത്തി പരിചയം അഭികാമ്യം....
  • അപേക്ഷ ക്ഷണിച്ചു കേരള ഹെൽത്ത് റിസർച്ച് ആൻഡ് വെൽഫെയർ സൊസൈറ്റിയിൽ വിവിധ തസ്തികകളിൽ കരാർ നിയമനത്തിന് അപേക്ഷ ക്ഷണിച്ചു. 23 വരെ അപേക്ഷിക്കാം. അപേക്ഷകൾ നേരിട്ടോ തപാലിലോ നൽകണം. കൂടുതൽ വിവരങ്ങൾക്ക്: www.khrws.kerala.gov.in....
  • തൊഴിലധിഷ്ഠിത കോഴ്‌സുകളിൽ അപേക്ഷ ക്ഷണിച്ചു കെൽട്രോണിന്റെ വഴുതക്കാടുള്ള നോളജ് സെന്ററിൽ ആരംഭിക്കുന്ന തൊഴിലധിഷ്ഠിത കോഴ്‌സുകളിലേക്ക് അപേക്ഷ ക്ഷണിച്ചു. അഡ്വാൻസ്ഡ് ഡിപ്ലോമ ഇൻ ഡിജിറ്റൽ മീഡിയ ഡിസൈനിംഗ് ആന്റ് അനിമേഷൻ ഫിലിംമേക്കിഗിൽ 12 മാസത്തെ കോഴ്‌സിന് എസ്.എസ്.എൽ.സി, പ്ലസ്ടു, ഡിപ്ലോമ, ഡിഗ്രിയുള്ളവർക്ക് അപേക്ഷിക്കാം. വിശദവിവരങ്ങൾക്ക് 9188665545, 0471 2325154....

കോവിഡ് ബാധിച്ച് മരിച്ച വയോധികയുടെ മൃതദേഹം ബന്ധുക്കൾ കൈപ്പറ്റിയില്ല; അന്ത്യകർമ്മങ്ങൾ ഹൈന്ദവാചാരപ്രകാരം നടത്തി മുസ്ലീം യുവാവ്

കോവിഡ് ബാധിച്ച് മരിച്ച വയോധികയുടെ മൃതദേഹം ബന്ധുക്കൾ കൈപ്പറ്റിയില്ല; അന്ത്യകർമ്മങ്ങൾ ഹൈന്ദവാചാരപ്രകാരം നടത്തി മുസ്ലീം യുവാവ്
May 06
08:47 2021

മൃതദേഹം കൈപ്പറ്റാ൯ ബന്ധുക്കൾ വരാത്തതിനെ തുടർന്ന് ആശുപത്രി അധികൃതർ പോലീസിനെ ബന്ധപ്പെടുകയായിരുന്നു. പിന്നീട് ആറ് ദിവസത്തോളം മൃതദേഹം മോർച്ചറിയിൽ സൂക്ഷിച്ചു

കോവിഡ് ബാധിച്ച് മരണപ്പെട്ട 70 വയസ്സുകാരിയായ ഹിന്ദു മത വിശ്വാസിയായ സ്ത്രീയുടെ മൃതദേഹം ദിവസങ്ങൾ കഴിഞ്ഞിട്ടും ബന്ധുക്കൾ കൈപ്പറ്റാതിരുന്നത് കാരണം അന്ത്യ കർമ്മങ്ങൾ ചെയ്ത് മുസ്​ലിം യുവാവ് മാതൃകയായി. സ്ത്രീയുടെ തന്നെ മതാചാരങ്ങൾ അനുസരിച്ചാണ് ഇദ്ദേഹം സംസ്കാര ചടങ്ങുകൾ നടത്തിയത്.

ഉത്തർ പ്രദേശിലെ ഷാജഹാ൯പൂരിലാണ് സംഭവം അരങ്ങേറിയത്. ദേശീയ വാർത്താ ഏജ൯സിയായ പി ടി ഐയിൽ വന്ന റിപ്പോർട്ട് പ്രകാരം നഗരത്തിലെ ഓരു താൽക്കാലിക അഭയ കേന്ദ്രത്തിൽ കഴിഞ്ഞു വരികയായിരുന്ന സ്ത്രീയെ അസുഖം ഗുരുതരമായതിനെ തുടർന്ന് ഷാജഹാ൯പൂർ മെഡിക്കൽ കോളേജിലെ എമർജെ൯സി വാർഡിലേക്ക് മാറ്റിയിരുന്നു.

ഒരു ഷെൽറ്റർ ഹോമിൽ താമസിച്ചു വരികയായിരുന്ന സുനിതാ ദേവി എന്ന സ്ത്രീയെയാണ് പനിയും ശ്വാസ തടസ്സവും കാരണം ഏപ്രിൽ അഞ്ചിന് മെഡിക്കൽ കോളേജിലെ അത്യാഹിത വിഭാഗത്തിലേക്ക് മാറ്റിയതെന്ന് കോളേജിലെ പബ്ലിക്ക് റിലേഷ൯സ് ഉദ്യോഗസ്ഥയായ പൂജ ത്രിപാഠി വാർത്താ വിതരണ ഏജ൯സിയോട് പറഞ്ഞു. മൃതദേഹം കൈപ്പറ്റാ൯ ബന്ധുക്കൾ വരാത്തതിനെ തുടർന്ന് ആശുപത്രി അധികൃതർ പോലീസിനെ ബന്ധപ്പെടുകയായിരുന്നുവെന്ന് ത്രിപാഠി പറയുന്നു. പിന്നീട് ആറ് ദിവസത്തോളം മൃതദേഹം മോർച്ചറിയിൽ സൂക്ഷിച്ചു.

ചൊവ്വാഴ്ച്ചയാണ് മെറാജുദ്ദീ൯ ഖാ൯ എന്ന യുവാവ് സ്ത്രീയുടെ അന്ത്യ കർമ്മങ്ങൾ നിർവ്വഹിക്കാം എന്നു പറഞ്ഞ് മുന്നോട്ട് വന്നത്. ബീരു എന്ന ആംബ്ലു൯സ് ഡ്രൈവറുടെ സഹായത്തോടെയാണ് അദ്ദേഹം ദേവിയുടെ അന്ത്യകർമ്മങ്ങൾ നിർവ്വഹിച്ചത്.ഒരു പ്രാദേശിക പത്രപ്രവർത്തക൯ കൂടിയായ ഖാ൯ കോവിഡ് ബാധിച്ച് മരണപ്പെട്ട മറ്റൊരു സ്ത്രീയെ സംസ്കരിക്കാനും സഹായിച്ചിരുന്നു. മരണപ്പെട്ട സ്ത്രീയുടെ മകൾക്ക് അന്ത്യകർമ്മങ്ങൾക്കാവശ്യമായ പണം നൽകിയാണ് അദ്ദേഹം കൈത്താങ്ങായത്.

അതേസമയം, കഴിഞ്ഞ 24 മണിക്കൂറിൽ 25,858 പുതിയ കോവിഡ് പോസിറ്റീവ് കേസുകളാണ് യു പിയിൽ റിപ്പോർട്ട് ചെയ്തത്. 352 പേർ മരണപ്പെട്ടിട്ടുണ്ട്. ഔദ്യോഗിക കണക്കുകൾ പ്രകാരം 12,500 പേർക്ക് അസുഖം ഭേദമായിട്ടുണ്ട്. ഇതുവരെ സംസ്ഥാനത്ത് 13,798 പേർ ബാധിച്ച് മരണപ്പെട്ടിട്ടുണ്ട്. ഇതുവരെ 13,68,183 പേർക്കാണ് അസുഖം ബാധിച്ചത്. നിലവിൽ 2,72,568 പേർ കോവിഡ് ബാധിച്ച് ചികിത്സയിൽ കഴിയുന്നുണ്ട്.

സംസ്ഥാനത്ത് കേസുകൾ വ്യാപിക്കുന്ന സാഹചര്യത്തിൽ സംസ്ഥാനത്ത് പ്രഖ്യാപിച്ച ഭാഗികമായ കർഫ്യൂ മെയ് 10 വരെ നീട്ടാ൯ തീരുമാനിച്ചിട്ടുണ്ട്. ഏപ്രിൽ 29 നാണ് യു പി സർക്കാർ ഏർപ്പെടുത്തിയ വാരാന്ത്യ കർഫ്യൂ തിങ്കളാഴ്ച്ചത്തേകും സർക്കാർ വ്യാപിപ്പിച്ചത്.

ഇന്ത്യയിൽ കഴിഞ്ഞ 24 മണിക്കൂറിൽ രോഗം സ്ഥിരീകരിച്ചത് 4,12,262 പേർക്കാണ്. 3,980 പേർ കോവിഡ് ബാധിച്ച് മരിച്ചു. ഇതോടെ ഇന്ത്യയിലെ കോവിഡ് ബാധിതരുടെ എണ്ണം 2,10,77,410 ആയതായി കേന്ദ്ര ആരോഗ്യമന്ത്രാലയം പുറത്തുവിട്ട കണക്കുകൾ പറയുന്നു.

About Author

Rinto Reji

Rinto Reji

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment