Asian Metro News

പഞ്ചാബിനെതിരെ ഏഴ് വിക്കറ്റിന്റെ ജയം; ഡൽഹി ക്യാപിറ്റൽസ് പോയിന്റ് ടേബിളിൽ ഒന്നാമത്

 Breaking News
  • കേരള തീരത്ത് നിന്ന് കടലിൽ പോകാൻ പാടുള്ളതല്ല. തെക്ക് കിഴക്കൻ അറബിക്കടലിൽ 2021 മെയ് 14 നോട് കൂടി ഒരു ന്യൂനമർദം രൂപപ്പെടാൻ സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിരിക്കുന്നു. കൂടുതൽ ശക്തി പ്രാപിച്ച് ന്യൂനമർദം ഒരു ചുഴലിക്കാറ്റായി മാറിയേക്കാമെന്നും കാലാവസ്ഥ വകുപ്പ് പ്രവചിക്കുന്നു. ന്യൂനമർദ രൂപീകരണവുമായി ബന്ധപ്പെട്ട് കടലിൽ...
  • നഷ്ടമായതു ധീരനായ തൊഴിലാളിനേതാവിനെ .. കെ. റ്റി. യൂ. സി. (ബി ) ആർ. ബാലകൃഷ്ണപിള്ള യുടെ ദേഹവിയോഗത്തിലൂടെ നഷ്ടംആയതു ധീരനായ തൊഴിലാളിനേതാവിനെ ആണെന്ന് കെ. റ്റി. യൂ. സി. (ബി )കൊട്ടാരക്കര നിയോജകമണ്ഡലം കമ്മിറ്റി അഭിപ്രായപ്പെട്ടു. ഉന്നതമായ വ്യക്തിത്വവും തന്റേടവും ആർജ്ജവവും വ്യത്യസ്തസ്വഭാവവും ഉള്ള നേതാവ് ആയിരുന്നു. കശുവണ്ടിതൊഴിലാളികളുടെ അവകാശങ്ങൾ നേടിഎടുക്കുന്നതിൽ മുന്നിൽ നിന്നു...
  • കോവിഡ് രോഗികളില്‍ മരണനിരക്ക് കുറയ്ക്കാന്‍ അസ്ട്രസെനക വാക്‌സിന്‍ ഫലപ്രദം ലണ്ടന്‍: അസ്ട്രസെനകയും ഓക്‌സ്‌ഫോഡും സംയുക്തമായി വികസിപ്പിച്ചെടുത്ത വാക്‌സിന്റെ ഒരു ഡോസിന് കോവിഡ് മൂലമുള്ള മരണസാധ്യത 80 ശതമാനം വരെ കുറയ്ക്കാനാവുമെന്ന് പഠനഫലം. പബ്ലിക് ഹെല്‍ത്ത് ഇംഗ്ലണ്ട് ആണ് ഇക്കാര്യം വ്യക്തമാക്കിയത്. അസ്ട്രസെനകയുടെ വാക്‌സിന്‍ മരണസാധ്യത കുറയ്ക്കാന്‍ സഹായിക്കുമോ എന്നതുമായി ബന്ധപ്പെട്ട് നടത്തുന്ന...
  • അമിത് ഷായെ അറസ്റ്റ് ചെയ്ത കന്ദസ്വാമിയെ ഡിജിപിയാക്കി തമിഴ്നാട് മുഖ്യമന്ത്രി വ്യാജ ഏറ്റുമുട്ടല്‍ കേസില്‍ അമിത് ഷായെ അറസ്റ്റ് ചെയ്ത ഐപിഎസ് ഓഫീസര്‍ പി കന്ദസ്വാമിയെ തമിഴ്നാട്ടിലെ വിജിലന്‍സ് ആന്‍റ് ആന്‍റി കറപ്ഷന്‍ തലവന്‍ ആക്കി നിയമിച്ചു. അധികാരമേറ്റതിന് പിന്നാലെയാണ് സ്റ്റാലിന്‍ സര്‍ക്കാരിന്‍റെ നിര്‍ണായക നിയമനങ്ങള്‍. തെരഞ്ഞെടുപ്പ് പ്രചാരണ സമയത്ത് എം കെ...
  • പുതിയ പഠന റിപ്പോര്‍ട്ട് പുറത്ത്കൊവിഡും രക്ത ഗ്രൂപ്പും തമ്മില്‍ ബന്ധം കൗണ്‍സില്‍ ഒഫ് സയന്റിഫിക് ആന്‍ഡ് ഇന്‍ഡസ്ട്രിയല്‍ റിസര്‍ച്ച്‌ (സിഎസ്‌ഐആര്‍) ഇതുമായി ബന്ധപ്പെട്ടുള്ള ഒരു ഗവേഷണ പ്രബന്ധംപ്രസിദ്ധീകരിച്ചിരിക്കുകയാണ്. കൊവിഡും രക്തഗ്രൂപ്പുകളുമായി ബന്ധമുണ്ടെന്നാണ് ഈ പഠന റിപ്പോര്‍ട്ടില്‍ പറയുന്നത്.AB, ബി രക്തഗ്രൂപ്പുകളുള്ള ആളുകള്‍ക്ക് കൊവിഡ് വരാനുള്ള സാദ്ധ്യത കൂടുതലാണെന്നാണ് ഗവേഷണ റിപ്പോര്‍ട്ടില്‍പറയുന്നത്. ‘ഒ’ രക്തഗ്രൂപ്പില്‍പ്പെട്ടവര്‍ക്കാണ്...

പഞ്ചാബിനെതിരെ ഏഴ് വിക്കറ്റിന്റെ ജയം; ഡൽഹി ക്യാപിറ്റൽസ് പോയിന്റ് ടേബിളിൽ ഒന്നാമത്

പഞ്ചാബിനെതിരെ ഏഴ് വിക്കറ്റിന്റെ ജയം; ഡൽഹി ക്യാപിറ്റൽസ് പോയിന്റ് ടേബിളിൽ ഒന്നാമത്
May 03
05:36 2021

ശിഖർ ധവാൻ കാഴ്ചവെച്ച ബാറ്റിങ് പ്രകടനമാണ് മത്സരത്തിൽ നിർണായകമായത്

പഞ്ചാബിനെതിരായ മത്സരത്തിൽ 14 ബോൾ ബാക്കി നിൽക്കെ ഏഴ് വിക്കറ്റിന്റെ അനായാസ ജയം സ്വന്തമാക്കിയ ഡൽഹി ക്യാപിറ്റൽസ് പോയിന്റ് ടേബിളിൽ ഒന്നാംസ്ഥാനത്തെത്തി. പുറത്താകാതെ നിന്ന ശിഖർ ധവാൻ കാഴ്ചവെച്ച ബാറ്റിങ് പ്രകടനമാണ് മത്സരത്തിൽ നിർണായകമായത്. 47 പന്തിൽ നിന്നും ആറ് ബൗണ്ടറികളും, രണ്ട് സിക്സറുകളും സഹിതം 69 റൺസാണ് നേടിയത്. പഞ്ചാബ് ഉയർത്തിയ 167 റൺസ് വിജയലക്ഷ്യം 17.4 ഓവറിൽ ഡൽഹി മറികടന്നു.

മറുപടി ബാറ്റിങ്ങിൽ ഡൽഹി ഓപ്പണർമാർ തകർപ്പൻ തുടക്കമാണ് ടീമിന് നൽകിയത്. പവർപ്ലേയിൽ തകർത്തടിച്ച ഇരുവരും പുറത്താകാതെ 63 റൺസാണ് അടിച്ച് കൂട്ടിയത്. എന്നാൽ തൊട്ടടുത്ത പന്തിൽ ഹർപ്രീത് ബ്രാർ പൃഥ്വി ഷായുടെ കുറ്റി തെറിപ്പിച്ചു. 22 പന്തിൽ മൂന്ന് വീതം സിക്സറുകളും ബൗണ്ടറിയുമടക്കം 39 റൺസ് നേടിയാണ് ഷാ മടങ്ങിയത്.

പകരമെത്തിയ സ്റ്റീവ് സ്മിത്ത്, ധവാനൊപ്പം ചേർന്ന് സിംഗിളുകളും ഡബിളുകളും നേടിക്കൊണ്ട് സ്കോർ ഉയർത്തി. നല്ല രീതിയിൽ സ്കോർ മുന്നോട്ട് പോകുന്നതിനിടയിൽ മെറിഡെത്ത് 24 റൺസെടുത്ത സ്മിത്തിനെ മലാന്റെ കൈകളിൽ എത്തിച്ചു. നായകൻ പന്തിന് അധികനേരം ക്രീസിൽ തുടരാൻ കഴിഞ്ഞില്ല. 14 റൺസ് നേടുമ്പോഴുക്കും താരം മടങ്ങി. പിന്നീടെത്തിയ ഹെട്മേയർ തകർപ്പൻ അടികളിലൂടെ ഡൽഹിയെ വിജയത്തിലെത്തിച്ചു.

നേരത്തെ കെ.എൽ. രാഹുലിന്റെ അഭാവത്തിൽ നായകസ്ഥാനം ഏറ്റെടുത്ത മായങ്ക് അഗർവാൾ ഉത്തരവാദിത്ത്വത്തോടെയാണ് ബാറ്റ് വീശിയത്. അത് തന്നെയാണ് പഞ്ചാബിനെ 166 എന്ന ഭേദപ്പെട്ട സ്കോറിൽ എത്തിച്ചതും. 58 പന്തിൽ എട്ട് ബൗണ്ടറികളും, നാല് സിക്സറുകളും സഹിതം 99 റൺസാണ് മായങ്ക് നേടിയത്. ആറ് വിക്കറ്റ് നഷ്ടത്തിലാണ് പഞ്ചാബ് 166 റൺസ് നേടിയത്. വിക്കറ്റ് കീപ്പർ പ്രഭ്സിമ്രാന് ഇന്നത്തെ മത്സരത്തിലും തിളങ്ങാൻ കഴിഞ്ഞില്ല. നാലാം ഓവറിൽ കാഗിസോ രബാഡ 12 റൺസെടുത്ത പ്രഭ്സിമ്രാനെ സ്മിത്തിന്റെ കൈകളിൽ എത്തിച്ചു.

18 റൺസ് കൂടി സ്കോർബോർഡിൽ ചേർക്കുന്നതിനിടയിൽ ഗെയ്ലിനെയും രബാഡ മടക്കി. ശേഷം ക്രീസിലൊരുമിച്ച ഇംഗ്ലീഷ് താരം ഡേവിഡ് മലാനും മായങ്കും ചേർന്ന് സ്ഥിരതയോടെ ബാറ്റ് വീശിയെങ്കിലും അക്സർ പട്ടേൽ എറിഞ്ഞ 14ആം ഓവറിൽ പഞ്ചാബ് പ്രതിസന്ധിയിലായി. അക്സർ ആദ്യ പന്തിൽ തന്നെ മലാന്റെ ലെഗ് സ്റ്റമ്പ് തെറിപ്പിച്ചു. പിന്നീടെത്തിയ ദീപക് ഹൂഡ അതേ ഓവറിൽ ഒരു അനാവശ്യ റണ്ണിന് ശ്രമിക്കവേ പുറത്തായി. അവസാന ഓവറുകളിൽ മായങ്ക് തകർത്തുവാരി. ഡൽഹിക്ക് വേണ്ടി കാഗിസോ രബാഡ മൂന്ന് വിക്കറ്റുകൾ വീഴ്ത്തി.

About Author

Rinto Reji

Rinto Reji

Related Articles

0 Comments

No Comments Yet!

There are no comments at the moment, do you want to add one?

Write a comment

Write a Comment