കൊട്ടാരക്കര : കോവിഡ് നിയന്ത്രിക്കുന്നതിന്റെ ഭാഗമായി കൊല്ലം റൂറൽ മേഘലയിൽ നിയന്ത്രണങ്ങൾ കർശനമാക്കി നടപ്പിലാക്കി തുടങ്ങിയതായി കൊല്ലം റൂറൽ ജില്ലാ പോലീസ് മേധാവി കെ.ബി.രവി.ഐ.പി.എസ് അറിയിച്ചു. ജില്ലയിൽ കഴിഞ്ഞദിവസം വ്യാപകമായി നടത്തിയ പ്രവർത്തനങ്ങളുടെ ഭാഗമായി സാമൂഹിക അകലം പാലിക്കാത്ത കേസുകളിൽ 1577 പേർക്ക് താക്കീത് നൽകി 95 പേർക്കെതിരെ കേസ് രജിസ്റ്റർ ചെയ്ത് നിയമ നടപടികൾ സ്വീകരിച്ചു. കേസുകൾ കൂടുതൽ റിപ്പോർട്ട് ചെയ്യുന്ന പ്രദേശങ്ങളിൽ കൂടുതൽ കർശന നിയന്ത്രണങ്ങൾ ഏർപ്പെടുത്തുമെന്ന് ജില്ലാ പോലീസ് മേധാവി അറിയിച്ചു.
