കൊട്ടാരക്കര:എൻ.ഡി.എ സ്ഥാനാർത്ഥി അഡ്വ.വയയ്ക്കൽ സോമന്റെ സ്വീകരണ പര്യടനം കൊട്ടാരക്കര നഗരസഭയിൽ പൂര്ത്തിയായി. ബൈക്ക് റാലിയുടെ അകമ്പടിയോടെ ചന്തമുക്കിലാണ് സ്വീകരണ പരിപാടികള് പൂര്ത്തീകരിച്ചത്.നഗരസഭയിലെ വിവിധ സ്വീകരണ കേന്ദ്രങ്ങളില് സ്ഥാനാര്ഥിയ്ക്ക് ആവേശോജ്വലമായ സ്വീകരണം ലഭിച്ചു.
മണ്ഡലത്തിൽ ഇനി നടത്താനുള്ള കാര്യങ്ങൾ ഏതെല്ലാമാണ്, മാറ്റങ്ങൾ എന്തെല്ലാം വേണം തുടങ്ങിയ കാര്യങ്ങളിലൂന്നിയാണ് സ്വീകരണ സ്ഥലങ്ങളിലെ സ്ഥാനാർത്ഥിയുടെ പ്രസംഗം.കർഷക തൊഴിലാളികളും സ്ത്രീകളും കുട്ടികളും യുവജനങ്ങളും വിദ്യാർഥികളും ഉൾപ്പെടെയുള്ളവരാണ് ഓരോ സ്വീകരണ യോഗങ്ങളിലും സ്ഥാനാർത്ഥിയെ വരവേറ്റത്. ജനമനസ്സുകളെ തൊട്ട് വോട്ടുറപ്പിച്ചുള്ള സ്വീകരണ പര്യടനം അവസാനിക്കുമ്പോൾ അണികളും വലിയ ആവേശത്തിലാണ്.
രാവിലെ എട്ട് മണിക്ക് മണികണ്ഠൻ ആൽത്തറയിൽ ആരംഭിച്ച സ്വീകരണ പര്യടനം ബി.ജെ.പി ജില്ലാ സെക്രട്ടറി ശ്രീകുമാർ ഉദ്ഘാടനം ചെയ്തു.ആർ.എസ്സ്.എസ്സ് ജില്ലാ സംഘ ചാലക് ആർ.ദിവാകരൻ മുഖ്യപ്രഭാക്ഷണം നടത്തി
കെ.ആർ രാധാക്യഷ്ണൻ, അനീഷ് കിഴക്കേക്കര,രാജഗോപാൽ, അരുൺ കാടാകുളം,അജിത്ത് ചാലൂക്കോണം,രാജീവ് കേളത്ത്,ക്വാളിറ്റി രാമചന്ദ്രൻ, രാജേഷ് കുരുക്ഷേത്ര,ബേബി,ഗിരീഷ് കുമാർ ശ്രീരാജ്,സബിത,ബിനി,പ്രസന്ന ശ്രീഭദ്ര,അമ്പിളി,സുധീഷ്,സുരേഷ് കുമാർ രാജൻ പുലരി,അശ്വിനി,മനോജ്,അഭീഷ് എന്നിവർ നേത്വത്യം നല്കി