കൊച്ചി : യുഎഇ കോണ്സുലേറ്റ് വഴി സ്വര്ണം കടത്തിയ കേസിലെ മുഖ്യ പ്രതി സ്വപ്ന സുരേഷ് വിദേശത്തേക്ക് 1,90,000 ഡോളര് കടത്തിയെന്ന നിര്ണായക വെളിപ്പെടുത്തലുമായി കസ്റ്റംസ്. ഇത് സംബന്ധിച്ച് കസ്റ്റംസ് ഉദ്യോഗസ്ഥര് വിശദമായ അന്വേഷണം നടത്തിവരുകയാണ്. സ്വപ്നയടക്കം സ്വര്ണക്കടത്ത് കേസിലെ പ്രധാന പ്രതികളെ കസ്റ്റംസ് ജയിലില് വെച്ച് തന്നെ ചോദ്യം ചെയ്യും. മുഖ്യമന്ത്രിയുടെ മുന്പ്രിന്സിപ്പല് സെക്രട്ടറി എം.ശിവശങ്കറിനെ കസ്റ്റംസ് ഇന്ന് ചോദ്യം ചെയ്യും. സ്വര്ണക്കടത്തുമായി ബന്ധപ്പെട്ടാണ് ചോദ്യം ചെയ്യല്.