തിരുവനന്തപുരം : ലൈഫ് മിഷന് അഴിമതിക്കേസുമായി ബന്ധപ്പെട്ട് വിജിലന്‍സ്, മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം.ശിവശങ്കറിന്റെ മൊഴി എടുക്കും. വിജിലന്‍സ് ഉടന്‍ തന്നെ അദ്ദേഹത്തിന് നോട്ടീസ് നല്‍കും.
കൂടാതെ ലൈഫ് മിഷന് കേസില്‍ സിഇഒ യുവി ജോസിന്റെ മൊഴിയെടുക്കാന്‍ വിജിലന്‍സ് സംഘം സെക്രട്ടറിയേറ്റിലെത്തിയിട്ടുണ്ട്. നേരത്തിന് അദ്ദേഹത്തിന് വിജിലന്‍സ് നോട്ടീസ് നല്‍കിയിരുന്നു. ലൈഫ് മിഷന് ആസ്ഥാനത്ത് എത്തിയാണ് ഉദ്യോഗസ്ഥര്‍ നോട്ടീസ് നല്‍കിയത്.
കരാറുമായി ബന്ധപ്പെട്ട നടപടികള്‍, യുണിടാക് എങ്ങനെ പദ്ധതിയില്‍ ഭാഗമായി കോഴ സംബന്ധിച്ച വിവരങ്ങള്‍ ലൈഫ് അറിഞ്ഞിരുന്നോ തുടങ്ങിയ കാര്യങ്ങളില്‍ ഇപ്പോഴും ദുരൂഹത ഒഴിഞ്ഞിട്ടില്ല. ഒപ്പം ഹാബിറ്റാറ്റ് ചെയര്‍മാന്‍ ജി.ശങ്കറിന്‍റെ പുതിയ വെളിപ്പെടുത്തലുകളും ലൈഫ് മിഷന് തിരിച്ചടിയാണ്. ഇക്കാര്യങ്ങളാകും അദ്ദേഹത്തില്‍ നിന്നും ചോദിച്ചറിയുക. ലൈഫ് മിഷനുമായി ബന്ധപ്പെട്ട് നേരത്തെ സിബിഐയും യുവി ജോസിനെ ചോദ്യം ചെയ്തിരുന്നു.